Empustar IN MUND PREZIUS
IN MUND PREZIUS
Sin invit da la Lia Rumantscha ha l'artist rumantsch Gioni Defuns da Trun/Darvella creà in’ovra spezialmain per l’onn da las festivitads da 90 onns Lia Rumantscha. Il maletg orginial vegn reproducì en in'ediziun limitada. Las reproducziuns èn da valur lithografic-digitala fitg auta, vegnan stampadas sin taila da glin e tratgas sin ina contura da lain per pender vi da la paraid.
)
L'ovra ‘IN MUND PREZIUS’ da Gioni Defuns simbolisescha la custaivladad da noss linguatg matern, il rumantsch. Ina flur stat sco segn d'entrada en in bel mund muntagnard, il mund rumantsch, il qual i dat sulettamain en ils culms. E quai be en cuminanza e toleranza, guardond sur cunfins. Il maletg envida da far festa, dar in'egliada enavos sin la racolta ed envers l'azur: Cun buna speranza!
L'ovra ‘IN MUND PREZIUS’ po vegnir empustada en duas versiuns:
- Facsimile IN MUND PREZIUS 2009, 110 x 52, limità a 90 exemplars, da Gioni Defuns per il pretsch d’ediziun da fr. 550.- empè da fr. 620.- (plus ils custs da spediziun da fr. 40.-). Suttascrit, datà e numerà a maun da l’artist.
- Facsimile IN MUND PREZIUS 2009, 110 x 52, limità a 30 exemplars, da Gioni Defuns per il pretsch d’ediziun da fr. 950.- empè da fr. 1’300.- (plus ils custs da spediziun da fr. 40.-). Elavurà a maun mintga ovra individualmain. Suttascrit, datà e numerà a maun da l’artist.
Tgi che vul po era vegnir per il maletg en la Gallaria & Atelier Gioni Defuns, Darvella, Trun ubain tar la Lia Rumantscha, Cuira.
Per empustar in facsimile trametter in e-mail cun prenum, num, adressa, telefon ed e-mail sin andreas.gabriel@rumantsch.ch.
Temp da furniziun è trais emnas suenter l’empustaziun. Uschespert che voss’ovra è semtgada, vegnis Vus contactà telefonicamain.
