La Lia Rumantscha festivescha giubileum. En il rom da las activitads da giubileum 90 onns Lia Rumantscha han lieu durant in entir onn 50 occurrenzas da tut gener tranter l’october 2009 e l’october 2010.  

Cun las Activitads Generalas vul la Lia Rumantscha sensibilisar la populaziun en las regiuns rumantschas ed en la diaspora per la valur da la lingua e da la cultura rumantscha. Plinavant vul la Lia Rumantscha animar las Rumantschas ed ils Rumantschs da s’engaschar per lur lingua e cultura e per la convivenza activa tranter las differentas regiuns linguisticas en il Grischun.

Era las activitads ed ils programs dals centers regiunals cun la lavur cuntinuanta e lur collavuraziun cun las organisaziuns regiunalas èn in accent da las Activitads Generalas.

 

 

Las Activitads Generalas sa cumponan dals suandants champs d’activitad:

Convivenza / Sensibilisaziun ed animaziun / Participaziun e multiplicaturAs

  

Detagls davart quests champs d'activitad chattais Vus en la navigaziun da la vart sanestra.