Linguistica Applitgada
"Abilitar da discurrer e scriver rumantsch cun plaschair"
La Lia Rumantscha vul abilitar, promover e sustegnair Rumantschas e Rumantschs da discurrer e scriver lur lingua en il mintgadi.
Per animar Rumantschas e Rumantschs da duvrar lur lingua elavura la Lia Rumantscha differents instruments e procura per servetschs linguistics. Ella sustegna ed accumpogna persunas privatas, firmas ed instituziuns che dovran il rumantsch en differentas situaziuns communicativas ed en diversas publicaziuns stampadas ed electronicas. Ella scolescha, perfecziunescha, sviluppa e tgira ina rait da persunas cun bunas cumpetenzas linguisticas sin differents champs (translaturas, linguists, lecturs, redacturas, correcturs, schurnalistas, euv.).
La Lia Rumantscha è ina partenaria per tut las dumondas linguisticas actualas, per las pli differentas persunas ed organisaziuns, en las regiuns ed en la diaspora, per persunas da lingua rumantscha u d’autras linguas.
La Lia Rumantscha porscha en la Linguistica Applitgada in Servetsch linguistic, in Servetsch da translaziuns ed in Servetsch d’infurmaziun e cussegliaziun. Dapli infurmaziuns davart quests servetschs chattais Vus en la navigaziun da la vart sanestra.
