Participaziun e multiplicaturAs
La Lia Rumantscha vul tgirar il contact cun instituziuns, persunas e gremis impurtants e decisivs per la regiun, per il Chantun e per la Confederaziun per pudair influenzar process impurtants per il rumantsch.
In’ulteriura finamira da las Activitads Generalas è da sviluppar e da tgirar la rait da multiplicaturAs che duain derasar infurmaziuns e savida areguard il rumantsch e davart la bi- e plurilinguitad. MultiplicaturAs èn per exempel cuvitgs, uniuns rumantschas ed uniuns affiliadas da la Lia Rumantscha, magistraglia, politichers locals euv.
Actualmain stattan las suandantas activitads ed ils suandants projects en il center:
- Sustegn per soluziuns en vischnancas rumantschas cun autoritads da lingua tudestga
- Tschertgar partenaris-clav, sviluppar finamiras e realisar las finamiras definidas
- Sviluppar ina rait da cuvitgs per il Grischun Central. Cuvitgs èn persunas che s'engaschan per il rumantsch en las singulas vischnancas senza avair necessariamain ina funcziun politica.
- Installar gruppas che promovan il rumantsch en las vischnancas da l'Engiadina e la Val Müstair
- Promover soluziuns per las medias rumantschas
- Observar la lavur da las medias areguard l’adempliment da la concessiun
Activitads cun e per las uniuns affiliadas
Las Activitads Generalas cumpiglian era diversas activitads cun e per las uniuns affiliadas da las differentas regiuns:
- l'Uniun dals Grischs en Engiadina
- l'Uniun Rumantscha Grischun Central
- la Surselva Romontscha.
