Sensibilisaziun ed animaziun
Bleras organisaziuns e persunas da lingua rumantscha e d’autras linguas n’èn betg conscientas davart las schanzas ed ils avantatgs che la lingua e la cultura rumantscha portan.
La Lia Rumantscha emprova da sensibilisar quellas persunas ed organisaziuns en las regiuns per las schanzas ed ils avantatgs sco era da sustegnair, d’animar e d’abilitar tut las persunas e tut las organisaziuns da far diever dal rumantsch.
Cun ils suandants projects emprova la Lia Rumantscha da sensibilisar ils Rumantschs e las Rumantschas da duvrar a moda activa lur lingua:
- Lavuratoris en la Sutselva davart l’avegnir dal rumantsch en la regiun
- Lavuratoris en La Val Alvra davart l'avegnir dal rumantsch en la regiun
- Organisaziun RumantschAs Tumleastga-Mantogna – plattafurma per ina cuminanza dals/da las RumantschAs en la regiun Tumleastga-Mantogna
- Sairadas da gieus rumantschs per famiglias
- Publicaziun da buns exempels ch’applitgeschan il rumantsch
- Organisaziun da sairadas d’infurmaziun davart la bi- e plurilinguitad en mintga regiun rumantscha
