Ediziuns
La Lia Rumantscha metta a disposiziun lectura rumantscha per la scola ed il temp liber. Ella edescha cudeschs e products multimedials per uffants e giuvenils en ils idioms ed en rumantsch grischun. Ils titels cumparan en atgna ediziun ed en cooperaziuns, en spezial cun l'Uniun Rumantsch Grischun, cun Radio e Televisiun Rumantscha e cun l'Ovra svizra da lectura per la giuventetgna OSL/SJW. Ultra dals titels per uffants e giuvenils edescha e reedescha la Lia Rumantscha ovras da basa (p.ex. meds per emprender rumantsch, glossaris, etc.) e porscha cussegliaziun, co proceder tar ediziuns.
La Lia Rumantscha cusseglia era en dumondas davart ses vast catalog da libraria che cumpiglia var 2300 artitgels ed ella venda var 15'000 artitgels l'onn. Il sortiment cumpiglia prest tut ils cudeschs e portatuns per rumantsch e davart il rumantsch ch'èn accessibels. Sco purschida supplementara maina la Lia Rumantscha in pitschen antiquariat.
La Pro Helvetia, il Chantun Grischun e la Lia Rumantscha han fundà il 2009 la Chasa Editura Rumantscha (CER). La societad cun responsabladad limitada è structuralmain independenta e consista d'in gremi editorial (che decida tge titels che vegnan edids) e d'ina manadra da fatschenta. La CER edescha var 4 titels l'onn durant ina fasa iniziala da 3 onns. Igl è previs d'edir publicaziuns litteraras, antologias e reediziuns da classichers exausts.
Ediziuns actualas da la Lia Rumantscha:
 |
Collecziun cun versets, hoppaheias e chanzuns tradiziunalas e novas per uffants pitschens. L’atun 2010 cumpara l’emprima ediziun en sursilvan. Ils auters idioms seguan l’onn 2011. |
 |
Cudesch original che cumpara en duas variantas: ediziun grischuna (rumantsch grischun, Deutsch, italiano) e versiun idiomatica (vallader, puter, sursilvan). |
 |
Il terz titel per il stgalim aut cun in tema actual. Suenter “Ti mo baiva, sche ti manegias” e “Puspè nagins daners” tracta il nov titel il tema anorexia (Magersucht). |
 |
Gieu auditiv dad Otfried Preussler. |
 |
Gieu auditiv da l’autur bernais Ulrich Schenk. |
 |
Gi digl gôt (surmiran) Gieu da tavla e cartas per l’entira famiglia, cun 300 cartinas cun dumondas davart animals dal guaud, plantas e dumondas generalas. Il gieu cumpara en tut ils idioms ed en rg. |
|
Gö dal god (puter) |
|
Gö dal god (vallader) |
|
Gioi digl gòld (sutsilvan) |
|
Giug digl uaul (sursilvan) |
|
Gieu dal guaud (rumantsch grischun) Gieu da tavla e cartas per l’entira famiglia, cun 300 cartinas cun dumondas davart animals dal guaud, plantas e dumondas generalas. Il gieu cumpara en tut ils idioms ed en rg. |
 |
Pocket quiz |
