cultuRa+
cultuRa+ è in program da stagiun surregiunal che cumpiglia pliras spartas culturalas. Da l’atun fin la primavaira da l’onn suandant vegnan organisadas occurrenzas artisticas cun origin rumantsch en differents lieus da preschentaziun entaifer ed ordaifer il chantun Grischun.
Ensemen cun partenaris porscha il program ina plattafurma a giuvnas artistas e giuvens artists rumantschs professiunals ed als sustegna da realisar projects per la tribuna. Ultra da quai cusseglia cultuRa+ persunas activas sin il champ cultural en dumondas da la producziun. cultuRa+ creescha novas pussaivladads da represchentaziun per giuvnas artistas e giuvens artists e pussibilitescha ad artistas ed artists arrivads da sa preschentar en lieus, als quals els n’avevan fin ussa betg access. cultuRa+ è il program cultural cun il +.
Program primavaira 2012
In actur scriva durant sis emnas en l'atelier da litteratura Blumenhalde. Il mars dat el l'avertura al program cun ina prelecziun scenica. L'avrigl va l'automat dad istorgias d'in lieu a l'auter ed envida a guardar la preschentaziun da film mecanica. Il matg ha il toc da saut 'Gian Girun' premiera e curt avant la stad cumenza sia turnea.
Cun il toc da saut 'Gian Girun' preschenta cultuRa+ si’emprima gronda coproducziun. Questa collavuraziun stretga pussibilitescha in sustegn intensiv e cumplain da las artistas e dals artists. Cun saut, vusch, installaziun e musica vegnan raquintadas istorgias da e davart l'autura Ursina Clavuot-Geer alias Gian Girun.
 |
08-03-2012
19.30
L’actur scriva.
prelecziun scenica
Ürikon – Stäfa
Kapelle Ritterhaus
Enten scriver sa metta l'actur Lorenzo Polin a la tschertga da l'umor en texts dramatics.
Lorenzo Polin (prelecziun)
PARTENARI
Il Literaturatelier Blumenhalde Ürikon maina dapi trais onns in atelier da litteratura. Ensemen cun la Lia Rumantscha porscha l'atelier Blumenhalde quest onn a Lorenzo Polin in segiurn en l'atelier da litteratura.
|
 |
13-04-2012
gl’automat da historias
film mecanic
Trun Darvella, Gallaria G. Defuns, 16.00
Glion, Aula chasa da scola, 17.30
Cuira, Chasa Rumantscha, 19.30
La maschina da film mecanica raquinta in'istorgia commoventa da fidaivladad, tradiment, amicizia e la forza da la fantasia, in’istorgia per uffants ed uffants creschids.
Justina Derungs (gieu e producziun)
Curdin Janett (musica)
Madlaina Janett ed Alessia Conidi (purtrets)
Hugo Zumbühl (tribuna)
|
 |
11 + 12-05-2012
20.00
Gian Girun
saut
Zug
Shedhalle
entrada CHF 20.00 u pass dal Tanzfest Zug
Ina cumposiziun per saut, gìun, texts legids ed installaziuns animadas sin tribuna.
Seraina Sidler-Tall (saut)
Marc Jenny (musica)
Sara Francesca Hermann (prelecziun)
Katharina Wieser (installaziun)
Stefanie Herzberg (dramaturgia)
Suzana Meyer (costums)
stranger in company (producziun)
PARTENARI
L'occurrenza Tanzfest Zug: cun preschentaziuns, performances, notgs da saut e curs celebrescha la festa da saut, in project da reso, durant ina fin d'emna tut las fassettas dal saut en 25 lieus da la Svizra.
|
 |
25-05-2012
20.00
Gian Girun
saut
St. Gallen
Lokremise
entrada CHF 25.00
Sut il pseudonim Gian Girun ha Ursina Clavuot-Geer oriunda da Zuoz publitgà differentas novellas ils onns 1930. „Maria e sieu chucal“, ina da quellas novellas.
PARTENARI
Sco biro da producziun stgaffescha stranger in company las cundiziuns per realisar projects innovativs e permetta uschia producziuns da teater, saut e performance.
|
 |
08 + 09-06-2012
20.00
Gian Girun
saut
Cuira
Postremise
entrada CHF 25.00
Cun saut, vusch, installaziun e musica vegnan raquintadas istorgias da e davart l'autura Ursina Clavuot- Geer, oriunda da Zuoz, alias Gian Girun.
PARTENARI
Sco lieu d'emprova e da preschentaziun bain frequentà contribuescha la Postremise considerablamain a la diversitad culturala da la citad da Cuira.
|
Grazia fitg a noss fauturs
RePower, Fundaziun Avina, Fundaziun Ernst Göhner, Promoziun da la cultura dal Grischun, Migros Pertschient cultural, Fundaziun dr. Valentin Malamoud, Radiotelevisiun Svizra Rumantscha - partenari da medias
