Transit Tamangur
Mantegnair valurs da lingua e cultura - sa e vul mo tgi ch'enconuscha ellas. Sut il titel "Transit Tamangur" vul la Lia Rumantscha transportar (Transit) valurs genuinas (Tamangur) en in format da project contemporan. Tamangur è in vegl guaud da schembers entadem la Val S-charl sin territori da la vischnanca da Scuol. Dapi ch'il poet ladin Peider Lansel ha cumpareglià l'onn 1923 il stadi nausch dal guaud cun la lingua rumantscha, è Tamangur daventà in simbol per la lingua periclitada.
Senza ideologias e declamaziuns pateticas vul la Lia Rumantscha clamar en memoria valurs e mitus che han in'influenza sin l'identitad rumantscha e las tematisar cun giuven e vegl. Ussa vegn elavurà il concept e vegnan fatgs emprims inscunters per rimnar e definir ils cuntegns relevants per talas occurrenzas futuras, p.ex. giubileums da persunas/fatgs impurtants, fatgs cultural-istorics e mitus.
Projects
- Concept Transit Tamangur e rimnada da tematicas relevantas
