Bi- e plurilinguitad
Tgi che sa pliras linguas "sa dapli…" ed ha avantatgs intellectuals, culturals, socials ed er economics. Quella plivalur sto la Lia Rumantscha propagar bler pli datschertamain e pretender ina trilinguitad grischuna vardaivla e vivida, e betg mo proclamada. Conversaziun e correspundenza bi- e trilingua stuess daventar ina realitad normala en il Grischun – "mintgin chapescha mintgin!".
Perquai promova e sustegna la Lia Rumantscha scolas bilinguas a l'ur dal territori rumantsch u en territoris tudestgs e spera che l'exempel da las classas bilinguas da Cuira chattia blers imitaders. Era suenter la scola primara duain absolvents da scolas bilinguas avair la pussaivladad da perfecziunar lur enconuschientschas dal rumantsch.
Nossa situaziun plurilingua basegna urgentamain in concept cumplessiv; differenzià, adequat e pratitgabel.
Projects actuals
|
|
Gieus senza cunfins - Giochi senza confini - Spiel ohne Grenzen |
La Lia Rumantscha vul era:
- infurmar davart la bi- e plurilinguitad e sensibilisar per la plivalur da la bi- e plurilinguitad
- sustegnair las scolas e vischnancas che promovan la trilinguitad grischuna (Cuira, Domat, Trin, Val d'Alvra, …)
- promover la conversaziun e la correspundenza bi- e trilingua (p.ex. procurar per che la suprastanza e per part er il parlament da la Regiun Surselva converseschian a moda bilingua)
