Newsdetails

Museum Ladin Ćiastel de Tor

Ćiastel de Tor a San Martin scriva or ina concurrenza d’art: Sa participar pon era artistas ed artists grischuns.
Termin per inoltrar l'annunzia: 11-3-2010.

La III. Trienala Ladina sa drizza a tut las artistas ed a tut ils artists che abitan en las tschintg valladas da las Dolomitas (Val Badia, Val Gardena, Val da Fascia, Fodom ed Ampezzo), en il Grischun ed en il Friul. Sa participar pon era tut las artistas e tut ils artists che sa sentan sco Ladins e che han ina relaziun cun l’istorgia, la cultura e la tradiziun ladina.

Questa acziun duai revalitar e sustegnair la lavur artistica en las regiuns surnumnadas, sco era render enconuschents las artistas ed ils artists als critichers d’art ed ad in public pli vast.

La III. Trienala Ladina è averta per tut las direcziuns artisticas. Ils tschintg victurs pon exponer lur ovras en il rom dad in’exposiziun collectiva en il Museum Ladin.

 

Datas

- Inoltraziun dals documents da concurrenza fin ils 11 da mars 2010, a las 17.00.

 

- L’avertura da l’exposiziun Trienala Ladina ha lieu ils 23 da fanadur 2010, a las 18.00.

 

Concurrenza d’art: link www.museumladin.it (news)

 

 

 

 

Museum Ladin

Strada Tor 65

39030 San Martin de Tor (BZ) Italia

 

enavos