Naschì per leger - Buchstart Graubünden
Naschì per leger - Buchstart Graubünden
è in project da l’entira Svizra che cumpiglia cudeschets per uffants da la vegliadetgna da prescolina. Quest project vul sensibilisar geniturs ed educaturAs per l’impurtanza da la promoziun da leger gia tar ils pli pitschens da nossa societad.
Per la versiun rumantscha ha la Lia Rumantscha producì in agen cudeschet sut il num “Tgaubrochels/Tgimirolas/Cupiroulas/Cupicharoulas/Cupitgolas” cun hoppa hajas, versets e chanzunettas en tut ils 5 idioms rumantschs.
|
|
Tirliti e tirlitè
Tirliti e tirlitè
mincha chomma ha ün pè
tirlitamma tirlitomma
mincha pè ha üna chomma
|
|
Balla, ballasoua
Balla, ballasoua,
igl tgaval ò rot la coua,
igl pulieder ò rot igl fragn
e la spous’è dada aint igl ragn.
|
L’andina
Plain superbgia vo l’andina
da Samedan fin Schlarigna,
tuorna lura pür vers saira,
staungla morta cun fam naira
|
|
Ei neiva
Ei neiv’e neiva scrottas,
ils buobs lezs tilan bottas,
ils tgapers craschlan sin la seiv,
ei neiv’e neiva scrottas.
|
Varda la mireta
Varda la mireta
ca tscheartg’egna tgeaseta.
Par far egn beal litget,
egn tgòld a lom, lomet
|
Ils cudeschs en tut ils idioms cumpiglian var 36 differents versets, chanzunettas, hoppa hajas etc. Geniturs, manadras da gruppas da gieu e da canortas, tats e tattas etc. pon divertir lur uffants cun quest cudeschet cun versets tradiziunals enconuschents, ma era cun hoppa hajas e versets moderns ed uschia pussibilitar ad els in’instrucziun da lingua a moda fitg ludica e divertenta.
Las chanzuns chantadas, las notas ed ils versets chattais vus qua.
Vus pudais retrair il cudeschet tar la Lia Rumantscha per CHF 12.00.
