90 onns Lia Rumantscha

Qua chattais vus fotografias, artetgels ed ulteriuras infurmaziuns dad occurrenzas da linguistica applitgada:

"Plema d'aur" e "Miur romontscha" 2010

La Lia Rumantscha envida alla concurrenza litterara "Plema d'aur 2010". Era vegn la "Miur romontscha 2010" surdada. Quella concurrenza ei aviarta a tuttas vegliadetgnas per da tuttas sorts texts e paginas d'internet romontschas. Il termin d'inoltrar scroda culs 14 da matg 2010. 

Ins po inoltrar da tuttas sorts texts sco raquintaziuns, novellas, historias cuortas, schatgs, satiras, poesias e teaters. Ina giuria da treis dels valetescha mintga lavur. Las meglieras lavurs vegnan distinguidas cun la “Plema d’aur 2010”. La rangaziun ha liug ils 21 da november 2010.
 

Nus encurrin era puspei la pli biala pagina d’internet. Il victur ni la victura da quella categoria va cun la “Miur romontscha 2010”.

Mintga lavur screta ha da vegnir inoltrada en treis exemplars + sin disc cumpact e nudada cun in pseudonim. Ina cuviarta serrada cuntegn in cedel cun il num, prenum, l’adressa, nr. da telefon, e-mail, annada ed il pseudonim.
Tgi che vul concurrenzar cun l’atgna pagina d’internet indichescha a nus l’adressa dalla pagina d’internet.

Nossa adressa:

Lia Rumantscha

Plema d’aur 2010

Via Curtgin pign 35

7031 Laax

Per ulteriur sclariment stein nus bugen a disposiziun 081 920 80 70 ni lrsurselva@rumantsch.ch

Pledpierla

Ils uffants e giuvenils ladins han scrit 192 istorgias per la concurrenza da scriver Pledpierla 2010. La giuria cun Flurina Plouda, Steivan Gaudenz e Mario Pult ha selecziunà ils desch meglders texts da las categorias 1 (4. fin 6avla classa), 2 (7- fin 9avla classa) e G (giuvenils fin 20 ons). Ün bun success ha eir gnü la concurrenza speciala dals pleds cruschats (fuormar svess uschè blers verbs sco pussibel) cun 50 contribuziuns.

Wätterschmöcker - Ils sabis da l'ora