La Lia Rumantscha vul che la lingua rumantscha vegnia discurrida e scritta. Per duvrar la lingua en tut las situaziuns communicativas dal mintgadi actualisescha e sviluppa la Lia Rumantscha permanentamain la lingua rumantscha.

La Linguistica Applitgada elavura, actualisescha e metta a disposiziun differents instruments linguistics per scriver e discurrer rumantsch, sco per exempel il Pledari Grond, grammaticas, glossaris, material da curs etc.

La Linguistica Applitgada è era in center da cumpetenza per in e mintgina, dal scolar a la scienzada, e vul esser ina partenaria per tuttas dumondas linguisticas actualas.

 

Cun questas lavurs cuntinuantas procura la Lia Rumantscha per che la lingua vegnia duvrada, restia actuala ed haja in stgazi da pleds adattà a noss temp:

 

• Cafés rumantschs che pussibiliteschan l’inscunter e la discussiun tranter glieud ch'emprenda rumantsch e Rumantschas e Rumantschs
• Actualisaziun ed optimaziun regulara dal Pledari Grond online (incl. verbs e grammatica alfabetica)
• Differents glossaris per tematicas spezialas (EED, nova matematica, ambient, etc.) e gruppas professiunalas (pasternernarias, miradurs, chanzlias, politica, sport, etc.)
• Materialias per emprender resp. perfecziunar il rumantsch (en collavuraziun cun Furmaziun)

 

Sutvart chattais Vus ina glista da projects actuals che promovan la lingua discurrida e la lingua scritta:  

 

• „Naschì per leger“, in project per promover il rumantsch tar uffants pitschens (...dapli)
• Concurrenza da scriver Pledpierla
• Concurrenza da scriver Plima d’aur
• Poliglot; guid da viadi e manual da conversaziun pluriling
• Redacziun Dicziunari Explorer Langenscheidt rum.-tud./tud.-rum., stgalim aut e creschids
• Concept per ina plattafurma da differents vocabularis electronics rumantschs