Facts & Figures
davart il rumantsch
"Facts & Figures. Rumantsch" cuntegna, en ina furma concisa, las infurmaziuns da basa davart la lingua, cultura e vita rumantscha. Il lectur e la lectura, indigens u esters, interessads al rumantsch survegnan qua ina survista generala da tut quai che curra e passa en la Rumantschia:
- da la situaziun dal rumantsch entaifer las linguas neolatinas e las numerusas minoritads linguisticas en l'Europada
-
l'istorgia dal rumantsch dapi la conquista da las Alps reticas tras ils Romans (15 a.C.)
- da la situaziun geografica e geolinguistica dal rumantsch en Svizra ed en il Grischun
- da la situaziun linguistica, economica e giuridica actuala dal rumantsch
- dals curs da lingua e da la scolaziun da creschidsda las uniuns regiunalas e surregiunalas rumantschas
- sco era dal rumantsch grischun.
"Facts & figures" vul dir 'fatgs e cifras, infurmaziuns curtas, novitads'. En ils onns suenter l'emprima ediziun 1996 èsi capità ina massa en la Rumantschia, da maniera ch'igl è stà necessari da realisar ina segunda versiun da la publicaziun restructurada e cumplettada.
L'innovaziun tematica principala reguarda il chapitel: "Champ d'adiever dal rumantsch" che cumpiglia 34 paginas, pia bunamain 1/3 da l'entir cudeschet (106 paginas). Quest chapitel dat ina buna survista davart l'applicaziun dal rumantsch en ils pli differents secturs da la vita da mintgadi:
-
en scola
- sin il plaun giuridic federal, chantunal e communal
- en l'administraziun ed ils servetschs publics
-
en ils meds da massa stampads ed electronics
- en ils meds da communicaziun moderns
-
en il sectur cultural
- sco era en il sectur economic.
Retrair la publicaziun
Il cudeschet "Facts & Figures" po vegnir retratg per CHF 13.50 tar la Lia Rumantscha e tar autras librarias che vendan cudeschs rumantschs.
Facts & Figures. Online
