Visiun e finamiras
Visiun
Era las proximas generaziuns dovran cun plaschair il rumantsch.
Finamiras
La Lia Rumantscha s'engascha per bunas cundiziuns per duvrar il rumantsch:
- cun far ina politica activa a favur da la lingua e la cultura rumantscha
- cun rinforzar cumpetenzas da rumantsch existentas e colliar quellas cun autras cumpetenzas linguisticas, culturalas e socialas
- cun sviluppar vinavant la lingua rumantscha
- cun promover la cultura rumantscha
- cun s'engaschar a favur d'ina scola favuraivla al rumantsch ed offrir purschidas da furmaziun e perfecziunament
- cun porscher products e servetschs che promovan il diever da la lingua
- cun promover la convivenza tranter persunas rumantschas e persunas da differentas linguas
Champs strategics
Qua intervegnis vus dapli davart ils champs da lavur strategics da la Lia Rumantscha.
