Igl è en taimp burasclous. Aint igl mintgade ègl da metter se dapertot la mascra da higiena tgi zoppa la mesadad dalla fatscha. Per la communicaziun nonverbala restan anc igls îgls ed igls mangs. Tge signals tgi la bucca dat, ins pò angal sminar. Ma er igls mangs on da star sen distanza - aglmanc 1,5 meters digl proxim uman. Ans dar igl mang, ans dainsa gio dadei betg ple. Anc migler fissigl, schi l'antiera communicaziun niss spustada aint igls canals digitals, sainza barattar speida u oters liquids tgi pudessan ans infectar cugl virus malign da corona. Chellas maseiras fon franc senn an vista agl domber d'infecziuns. E tuttegna mossa la pandemia tge tgi è la fegn finala impurtant aint igl mintgade da nous carstangs - la communicaziun - igl LUNGATG.