Article - Stgazi dad istorgias
Stgazi d'istorgias – prelecziuns per uffants
En la Biblioteca da la citad da Cuira hai in grond stgazi d’istorgias, era rumantschas. E quellas istorgias sa chattan en ina stgatla fitg speziala. Ina giada il mais vegn la stgatla averta ed ina persuna raquinta da stailas crudantas, animals da la notg, chastels che sgolan, muntognas che discurran, cristals che dorman e da circus magics ed anc bler auter...
Las prelecziuns han adina lieu la segunda mesemna dal mais da las 14.00 a las 14.30 en la Biblioteca da la citad da Cuira:
11 da december 2024
«Stgazi d'istorgias» è ina purschida da la Lia Rumantscha e l'Uniun Rumantscha Cuira en collavuraziun cun la Biblioteca da la citad da Cuira.
L'entrada è libra, nagina annunzia necessaria.
Nus ans legrain sin vossas visitas.
