Article - «Traversadas litteraras» - per ina lingua inclusiva
«Traversadas litteraras» 2026 - per ina lingua senza discriminaziun
La Lia Rumantscha e la Chasa da la translaziun Looren envidan venderdi, ils 11 da december 2026, al lavuratori Traversadas litteraras. Cun sustegn amicabel da la Fundaziun per la cultura Pro Helvetia.
Il lavuratori sa deditgescha a la lingua senza discriminaziun. L'avantmezdi intermediescha la spezialista per sensitivity reading Victoria Linnea enconuschientschas e pretaisas da basa per il diever d’ina lingua senza discriminaziun. Ils:las participant:as s’occupan cun las dumondas: Tge munta diversitad e tge pussaivladads datti per includer diversitad en texts litterars? Tge sfidas datti cun elavurar ils caracters e la contextualisaziun d’ina istorgia? Nua èsi da far spezialmain attenziun a nivel dals pleds?
Il suentermezdi dat Laura Decurtins, linguista da la Lia Rumantscha, in’invista en la lavur da redacziun dal Pledari Grond areguard pleds ed expressiuns discriminantas. Suenter discutan ils:las participant:as ils exempels e las propostas ch’el:las han preparà.
Program
09.30 - 10.00: cafè e bainvegni
10.00 - 13.00: lavuratori cun Victoria Linnea
13:00 - 14.30: gentar cuminaivel en il restorant Va Bene
14.30 - 15.00: invista lingua senza discriminaziun en il Pledari Grond
15.00. - 16.45: discussiun cun exempels dal:as participant:as
16.30 - 17.00: runda finala e martgà
Annunzia e custs
Il lavuratori sa drizza a persunas activas sin il champ da la litteratura cun u senza experientscha da publitgar. Annunzias fin ils 29 da november 2026 per e-mail a: info@rumantsch.ch. Il lavuratori ed il gentar èn gratuits; ils custs da viadi surpiglian las participantas ed ils participants.
Preparaziun
Ils:las participant:as rimnan exempels discriminants e tramettan quels cun lur propostas senza discriminaziun fin ils 29 da november cun l’annunzia ad info@rumantsch.ch. Nus preparain ina schelta dals exempels e discutain quels durant il lavuratori il suentermezdi. En pli proponin nus da leger il Mussavia per ina lingua inclusiva e da sfegliar quests glossaris: