Nies Tschespet 77 / Verdads cun in surrir
Cumparegliar las rosas e las cucumeras e lu san ins cun tgi ch'ins ha da far. Patratgs inevitabels el tschurvi d'in um che ludava las rosas e che odiava las cucumeras.
E lu era il Wolfgang Trier serendius da buna luna, schegie da tarda sera, giu en la stivetta dil Giuvnal, ustria mediocra, nunpartischonta, schubra, communicativa e sociala, sco fatga per ina persuna sco el: Independenta, logica, sociala, originala.
Leu haveva el saviu tschenar sco glieud cumina tscheina per ordinari: Bunas tratgas senza surfar, in quintin ni dus, prezis andants, socials, survienta prusa ed emperneivla. In ustier ch'era ils anno 30 campiun naziunal dils lutgadurs. In um sc'in cuolm, schegie cun caluns isai e defects.
Product details
cudeschs
2018
sursilvan
Surselva Romontscha
978-3-033-06981-7