Chel codesch az rachinta dallas aventuras marvegliousas d'en pitschen amprendist-calger tgi veva ni bab ni mamma. Sies patrung era en om sainza cor.
En de capetigl ensatge fitg malgist, ed el bandunga sies patrung sur notg. Ed ossa antscheva l'istorgia miraculousa, sies viadi veador ainten igl mond cun tots sies prievels. Sen veia antopa el fidevels ed attascheas cumpogns da viadi. Antras sies curasch, sies cler giudezi, e cunzont cun sies bung cor, survantscha el adegna puspe las grondas difficultads. Sias bunas ovras restan betg sainza fretgs, essend tgi tot peglia ena buna e ventirevla fegn.
Cura tg'igl codesch è ligia, fissi bung da dumbrar ansemen a cants carstgangs tgi chel gioven amprendist ò purto ageid sen sies viadi, el tgi era pitschen scu en bratsch, legher sco en utschel, curaschous scu igl prenci Marco, pardert scu en codesch e bung scu igl suglegl!
Sa mitte damaias, tgers unfants, sen la sava digl isch e lige.

Versiun surmirana da Franz Capeder