Plazzas libras | Lia Rumantscha

Article - Plazzas libras

Chasa Rumantscha a Cuira.

Plazzas libras

La Lia Rumantscha sustegna, promova e coordinescha ils projects da las organisaziuns regiunalas e surregiunalas a favur da la lingua e cultura rumantscha. Ella s’engascha per la promoziun ed il mantegniment dal rumantsch e represchenta la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.

Era ti t’interessas per il mantegniment e la promoziun
da nossa lingua? Stupent, alura ans legrain nus sin tia annunzia sco:


La Lia Rumantscha tschertga per il 1. da zercladur u tenor cunvegna ina/in
responsabla/responsabel per la coordinaziun dals curs e da las translaziuns (100 %)
 

Nus tschertgain
ina responsabla/in responsabel per la coordinaziun dals curs e da las translaziuns. Ti organiseschas ils curs da rumantsch ed has contact cun las participantas ed ils participants sco era cun las manadras ed ils manaders dals curs. Plinavant surpiglias ti intgins dis l’emna la coordinaziun da las translaziuns. Ti fas differentas lavurs da secretariat, respundas a dumondas al telefon e beneventas nossa clientella da la libraria.

Nus spetgain
ina furmaziun commerziala u ina scolaziun equivalenta / il plaschair da lavurar exactamain e da tgirar il contact cun clientas e clients / il dun da mantegnair la survista / l'abilitad da lavurar en ina squadra / bunas cumpetenzas da scriver rumantsch e tudestg / prontezza d'emprender rumantsch grischun.

Nus purschain
ina lavur interessanta, variada e creativa / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala

Lieu da lavur
Cuira

Infurmaziuns davart la plazza dat:
Natalia Quinter, manadra Servetschs e persunal

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga a partir d'immediat u tenor cunvegna ina/in
collavuratura/collavuratur furmaziun e diaspora (80 %)
 

Nus tschertgain
ina collavuratura/in collavuratur per la promoziun da la furmaziun en il Grischun ed en la diaspora rumantscha. Ti sviluppas purschidas per scolaras e scolars da la prescolina fin a la furmaziun superiura en ed ordaifer il Grischun. Ti elavuras concepts e realiseschas projects che pertutgan la furmaziun e la diaspora rumantscha.

Nus spetgain
ina scolaziun en il sectur da furmaziun / bunas enconuschientschas da la situaziun da la scola rumantscha e bilingua en il territori rumantsch /  interess per las purschidas a favur da la diaspora rumantscha / gust da s’engaschar e collavurar en ina pitschna squadra / abilitad da sviluppar e promover projects innovativs en connex cun la furmaziun rumantscha / savair fitg bain in idiom e savair u esser pront d’emprender rumantsch grischun.

Nus purschain
ina lavur interessanta, variada e creativa / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala

Lieu da lavur
Cuira

Infurmaziuns davart la plazza dat:
Andreas Gabriel, vicesecretari general / manader Affars publics

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga a partir d'immediat u tenor cunvegna ina/in
collavuratura/collavuratur marketing e communicaziun (cun focus sin online) (80-100 %)
 

Nus tschertgain
Es ti in talent da marketing e communicaziun? Ina persuna creativa, organisada e motivada? Sco collavuratura u collavuratur marketing e communicaziun elavureschas e realiseschas ti concepts da communicaziun envers anen ed anora per promover l'image, l'intermediaziun d'infurmaziuns e las activitads da la Lia Rumantscha.

Nus spetgain
ina furmaziun professiunala (p.ex. scola auta professiunala/studi/furmaziun supplementara) en il sectur dal marketing u/e da la communicaziun / ina buna cumpetenza digitala cun in grond interess per instruments e tendenzas en connex cun il marketing online / experientscha cun CMS ed ils programs dad Adobe / enconuschientschas solidas da sistems d'analisar la pagina-web (p.ex. Google Analytics) / l’abilitad ed il plaschair da communitgar a moda adequata sin differents chanals da communicaziun e marketing / moda da lavurar exacta, structurada, creativa ed independenta / bunas enconuschientschas dad in idiom rumantsch e dal tudestg a bucca ed en scrit, prontezza d’emprender rumantsch grischun

Nus purschain
ina lavur interessanta e creativa cun la pussaivladad da realisar  ideas / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala

Lieu da lavur
Cuira

Infurmaziuns davart la plazza dat:
Madlaina Niggli, communicaziun e projects

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga a partir d'immediat u tenor cunvegna ina/in
manadra/manader da lingua (80 - 100%)
 
Nus tschertgain 
ina manadra/in manader lingua cun interess per il rumantsch e l'avertadad per instruments linguistics. Ti mainas il servetsch da translaziun cun collavuraturas e collavuraturs stabels, ma era cun collavuraturas libras. Ti segireschas la qualitad linguistica da la Lia Rumantscha e gidas tenor basegn da far translaziuns e lectorats en tes idiom e sche pussaivel en rumantsch grischun. En pli cusseglias ed infurmeschas ti en dumondas linguisticas da tut gener.

Nus spetgain 
studi da rumantsch / cumpetenza linguistica fundada dal rumantsch e dal tudestg / diever segir d’ina ulteriura lingua naziunala e da l’englais / autas cumpetenzas communicativas / affinitad per dumondas da la digitalisaziun dal rumantsch e prontadad da collavurar cun il responsabel per la transfurmaziun digitala / svilup ed actualisaziun dad instruments linguistics digitals (p.ex. vocabularis, programs da correctura, plattafurma linguistica) / redacziun dal Pledari Grond (rg ed idioms) / scriver e rediger texts scientifics 

Nus purschain 
ina lavur interessanta, variada e creativa / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala.

Lieu da lavur 
Cuira 

Infurmaziuns davart la plazza dat:
Markus Solinger, secretari general

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga a partir d'immediat u tenor cunvegna ina/in
manadra/manader da lingua, furmaziun e cultura (commembra/commember da la direcziun)
 

Nus tschertgain
ina manadra u manader da lingua, furmaziun e cultura ch’è responsabla per la tgira da la furmaziun rumantscha en il Grischun ed en la diaspora rumantscha. Ti es commember da la direcziun e represchentas la lingua, furmaziun e cultura da la Lia Rumantscha.

Nus spetgain
ina persunalitad cun experientscha da manar, cun ina scolaziun da scol’auta en il sectur da furmaziun e/u da lingua u en ina domena cumparegliabla / bunas enconuschientschas e grond interess per la politica da scola dal Grischun / bun contact cun las scolas obligatoricas rumantschas / avertadad ed interess per las purschidas a favur da la diaspora rumantscha / experientscha da manar projects / savair fitg bain in idiom e savair u esser pront d’emprender rumantsch grischun / pensar strategic-analitic / dun da contrahar.

Nus purschain
ina lavur interessanta e creativa cun la pussaivladad da realisar ideas / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala.

Lieu da lavur
Cuira

Infurmaziuns davart la plazza dat:
Markus Solinger, secretari general

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga a partir d'immediat u tenor cunvegna ina/in
manadra/manader da projects (80-100%)

Nus tschertgain
ina manadra/in manader da projects cun interess per il moviment rumantsch e per projects d’innovaziun. Ti pos manar plirs projects enina e mantegnas la survista er en fasas hecticas. Ti collavuras cun differentas persunas superiuras e lavuras a moda independenta cun tut las persunas internas ed externas necessarias.

Nus spetgain
in dun da formular, concepir, calcular e controllar  / cumpetenzas cumprovadas en il management da projects / enconuscher instruments e standards / l'abilitad da pensar a moda strategica / in agir analitic ed interdisciplinar / l'abilitad da lavurar en ina squadra / bunas enconuschientschas dad in idiom rumantsch e dal tudestg a bucca ed en scrit, prontezza d’emprender rumantsch grischun..

Nus purschain
ina lavur interessanta, variada e creativa  / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala.

Lieu da lavur
Cuira

Infurmaziuns davart la plazza dat:
Andreas Gabriel, vicesecretari general / manader Affars publics

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:


La Lia Rumantscha tschertga tenor cunvegna ina/in
promotura regiunala/promotur regiunal  per la Surselva ( 40-50%)
 

Nus tschertgain
ina persuna responsabla per la promoziun e sensibilisaziun en Surselva / ina persuna communicativa cun buns contacts en la regiun Surselva e conturn

Nus spetgain
in’affinitad per las differentas fassettas da la cuminanza rumantscha (lingua, cultura, scola e politica) / experientscha da manar e d’organisar projects / plaschair da lavurar da maniera autonoma ed exacta / bunas enconuschientschas dal sursilvan e dal tudestg a bucca ed en scrit

Nus purschain
ina lavur interessanta e variada / ina collavuraziun sin basa da confidenza, collegialitad e responsabladad / in’indemnisaziun e prestaziuns socialas tenor la lescha da persunal chantunala

Lieu da lavur
Glion
 

Infurmaziuns davart la plazza dat:
Carmen Caspar, manadra Regiuns

Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:

La squadra da la Lia Rumantscha sa legra sin tai!

Squadra da la Lia Rumantscha 2023