Article - Plazzas libras
Plazzas libras
La Lia Rumantscha sustegna, promova e coordinescha ils projects da las organisaziuns regiunalas e surregiunalas a favur da la lingua e cultura rumantscha. Ella s’engascha per la promoziun ed il mantegniment dal rumantsch e represchenta la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.
Era ti t’interessas per il mantegniment e la promoziun
da nossa lingua? Stupent, alura ans legrain nus sin tia annunzia sco:
La Lia Rumantscha tschertga a partir d'immediat u tenor cunvegna
ina persuna responsabla per la communicaziun (80%)
Nus tschertgain
ina persuna che s’occupa da differentas lavurs da communicaziun d’interpresa / che ha experientscha da scriver e rediger cuntegns per differents chanals da communicaziun interns ed externs / che ha plaschair da surpigliar la responsabladad per projects da communicaziun
Nus spetgain
ina furmaziun fundada en il sectur da la communicaziun/dal marketing u ina furmaziun publicistica/schurnalistica cun experientscha cumprovada en la communicaziun/il marketing / l’abilitad ed il plaschair da communitgar a moda adattada sin differents chanals da communicaziun / bunas abilitads da scriver e rediger en rumantsch ed en tudestg / enconuschientschas dad ulteriuras linguas svizras e da l’englais èn giavischadas
Nus purschain
ina lavur interessanta e creativa cun la pussaivladad da realisar atgnas ideas / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala
Lieu da lavur
Cuira
Infurmaziuns davart la plazza dat:
Markus Solinger, secretari general
Nus ans legrain sin tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a: natalia.quinter@rumantsch.ch
La squadra da la Lia Rumantscha sa legra sin tai!
