Article - Plazzas libras
Plazzas libras
La Lia Rumantscha sustegna, promova e coordinescha ils projects da las organisaziuns regiunalas e surregiunalas a favur da la lingua e cultura rumantscha. Ella s’engascha per la promoziun ed il mantegniment dal rumantsch e represchenta la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.
Era ti t’interessas per il mantegniment e la promoziun
da nossa lingua? Stupent, alura ans legrain nus da tia annunzia sco:
La Lia Rumantscha tschertga a partir d'immediat u tenor cunvegna
ina linguista / in linguist (60–70%)
Nus tschertgain
ina linguista/in linguist che translatescha gugent e sustegna la partiziun Lingua en sias incumbensas multifaras. Ti fas part da la squadra stabla e sustegnas las translaturas e la manadra da la partiziun cun tias enconuschientschas fundadas da linguistica rumantscha. Ti segireschas la qualitad linguistica da la Lia Rumantscha e gidas tenor basegn da far translaziuns e lectorats en tes idiom ed en rumantsch grischun. En pli cusseglias ed infurmeschas ti en dumondas linguisticas da tut gener.
Nus spetgain
studi da rumantsch, cumpetenza linguistica fundada dal rumantsch / diever segir d’ina ulteriura lingua naziunala / experientschas da translatar en rumantsch / affinitad per dumondas da la digitalisaziun dal rumantsch, p.ex. actualisaziun dad instruments linguistics digitals sco ils vocabularis, programs da correctura, plattafurma linguistica / redacziun dal Pledari Grond (rg ed idioms).
Nus purschain
ina lavur interessanta, variada e creativa en ina squadra versada e motivada / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala.
Lieu da lavur
Cuira, cun la pussaivladad da far telelavur parziala.
Infurmaziuns davart la plazza dat:
Bettina Vital, manadra Lingua
Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a: natalia.quinter@rumantsch.ch
La Lia Rumantscha tschertga a partir d'immediat u tenor cunvegna
coordinatur:a translaziuns, curs e contribuziuns (90-100 %)
Nus tschertgain
in:a responsab:la per la coordinaziun entaifer la partiziun “lingua, furmaziun e cultura”. Ti surpiglias la coordinaziun da las translaziuns e dals curs da rumantsch e preparas las dumondas da contribuziun per la suprastanza. Tgirar il
contact direct cun la clientella, cun translatur:as, participant:as e manad:ras da curs fa medemamain part da Tia
incumbensa sco er il sustegn da noss:as manad:ras entaifer la partiziun en fatgs administrativs e tematics. Ti surpiglias tenor basegn differentas lavurs da secretariat, respundas a dumondas al telefon e beneventas nossa
clientella da la libraria.
Nus spetgain
ina furmaziun commerziala u ina scolaziun equivalenta / plaschair da lavurar exactamain e da tgirar il contact cun clientas e clients / dun da mantegnair la survista / abilitad da lavurar en ina squadra / bunas cumpetenzas da scriver rumantsch e tudestg / prontezza d'emprender rumantsch grischun.
Nus purschain
ina lavur interessanta, variada e creativa entaifer ina squadra fitg motivada / ina collavuraziun sin basa da
confidenza, colleghialitad e responsabladad / in'indemnisaziun e prestaziuns socialas tenor la lescha da persunal chantunala.
Lieu da lavur
Cuira
Infurmaziuns davart la plazza dat:
Silvio Dietrich, manader partiziun lingua, furmaziun e cultura
Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a Natalia Quinter:
La Lia Rumantscha tschertga a partir d'immediat u tenor cunvegna
responsab:la per l’administraziun (60-70 %)
Nus tschertgain
in:a responsab:la per l’administraziun. Ti es l’emprima persuna da contact en Chasa Rumantscha e surpiglias la
responsabladad per las lavurs da secretariat generalas. Ti respundas a dumondas da clientas e clients e sustegnas la planisaziun ed organisaziun dad eveniments interns ed externs. Ti tgiras las localitads e stanzas da sesida e substitueschas tenor basegn la persuna responsabla per la libraria.
Nus spetgain
ina furmaziun commerziala u ina scolaziun equivalenta / plaschair da lavurar da maniera autonoma e da tgirar il
contact cun clientas e clients / dun da mantegnair la survista / plaschair da lavurar en ina squadra e da sustegnair differentas partiziuns / fitg bunas enconuschientschas dals programs da MS Office (Word, Excel, Outlook, PowerPoint) / bunas cumpetenzas da scriver rumantsch e tudestg / prontezza d'emprender rumantsch grischun.
Nus purschain
ina lavur interessanta e variada / ina collavuraziun sin basa da confidenza, colleghialitad e responsabladad / in'indemnisaziun e prestaziuns socialas tenor la lescha da persunal chantunala.
Lieu da lavur
Cuira
Infurmaziuns davart la plazza dat:
Daniela Albertini, manadra da projects stab
Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a Natalia Quinter:
La squadra da la Lia Rumantscha sa legra sin tai!
Hansruedi Rohrer