Plazzas libras | Lia Rumantscha

Nus tschertgain a partir d'immediat u tenor cunvegna
ina persuna che maina la partiziun Lingua e Cultura e responsescha tut ils aspects da la promoziun da la lingua, cultura e furmaziun rumantscha. Sco manadra da la partiziun è ella era commembra da la direcziun che consista da trais persunas.

Nus spetgain
experientscha da manar cumprovada / ina furmaziun sin nivel da scola auta en in dals secturs lingua, cultura, furmaziun u en ina domena cumparegliabla / bunas enconuschientschas da la promoziun dal rumantsch / in pensar strategic-analitic / in dun da contrahar / ina buna rait da contacts / fitg bunas enconuschientschas dal rumantsch. 

Nus purschain
ina lavur interessanta e pretensiusa cun spazi d’agir / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala.

Lieu da lavur
Cuira

Infurmaziuns davart la plazza dat:
Andreas Gabriel, secretari general e parsura da la direcziun

Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a: natalia.quinter@rumantsch.ch 

Nus tschertgain a partir d'immediat u tenor cunvegna
ina persuna che maina la partiziun Gestiun e responsescha tut las dumondas da la gestiun da la Lia Rumantscha. Sco manadra da la partiziun è ella era commembra da la direcziun che consista da trais persunas.

Nus spetgain
experientscha da manar cumprovada / ina furmaziun sin nivel da scola auta en in dals secturs economia, giurisprudenza, finanzas u en ina domena cumparegliabla / bunas enconuschientschas da la gestiun d’in manaschi multifar / in pensar strategic-analitic / in dun da contrahar / ina buna rait da contacts / bunas enconuschientschas dal rumantsch

Nus purschain
ina lavur interessanta e pretensiusa cun spazi d’agir / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas tenor la lescha da persunal chantunala. 

Lieu da lavur
Cuira

Infurmaziuns davart la plazza dat:
Andreas Gabriel, secretari general e parsura da la direcziun

Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a: natalia.quinter@rumantsch.ch 

Nus tschertgain a partir d'immediat u tenor cunvegna
in:a responsab:la per la coordinaziun entaifer nossa partiziun Lingua e Cultura. Principalmain coordineschas ti las translaziuns cun far offertas, calcular termins, reparter lavurs e preparar la facturaziun. En ina funcziun impurtanta sco emprima persuna da contact per incumbensad:ras tgiras ti il contact cun la clientella en stretga collavuraziun e coordinaziun cun la squadra da translatur:as intern:as ed extern:as. Ultra da quai sustegnas ti l’administraziun da curs. Ti surpiglias tenor basegn differentas lavurs da secretariat, respundas a dumondas al telefon e beneventas nossa clientella da la libraria. 

Nus spetgain
ina furmaziun commerziala u ina scolaziun equivalenta / intgins onns d’experientscha èn d’avantatg / plaschair da lavurar exactamain e da tgirar la clientella / dun da mantegnair la survista / abilitad da lavurar en ina squadra e sut squitsch / affinitad linguistica cun bunas cumpetenzas da scriver rumantsch e tudestg / prontezza d'emprender rumantsch grischun.

Nus purschain
ina lavur interessanta, variada e centrala per il manaschi da translaziuns entaifer ina squadra fitg motivada / ina collavuraziun sin basa da confidenza, colleghialitad e responsabladad / in'indemnisaziun e prestaziuns socialas tenor la lescha da persunal chantunala.

Lieu da lavur
Cuira

Infurmaziuns davart la plazza dat:
Bettina Vital, manadra Lingua

Nus ans legrain da tia annunzia cumpletta (brev da motivaziun, curs da la vita ed attestats). Tes documents d'annunzia tramettas ti p.pl. a Natalia Quinter: