Promoziun linguistica | Lia Rumantscha

Nus vulain che las Rumantschas ed ils Rumantschs discurrian, scrivian e legian rumantsch en il mintgadi. Per sustegnair ellas ed els ans spruvain nus da metter a disposiziun tut ils pleds ch’i dovra en ils idioms ed en rumantsch grischun. Quella stenta sa manifestescha en il Pledari Grond. 

Nus vulain che mintgina e mintgin che vul scriver rumantsch possia far quai. Sco sustegn elavurain nus programs da correctura ortografica. Sch’ins na po – per in motiv u l’auter – betg scriver sezza u sez il text rumantsch, purschain nus translaziuns, correctorats e lectorats professiunals d’auta qualitad. 

Nus vulain che tut las persunas interessadas chattian las infurmaziuns en connex cun aspects linguistics, istorics, culturals e socioculturals dal rumantsch. Perquai purschain nus ina survista online ed infurmain e cusseglian persunalmain.