Promoziun finanziala da projects | Lia Rumantscha

Ultra da las activitads da promoziun che nus realisain sezza, sustegnain nus projects rumantschs cun contribuziuns finanzialas. Per quai impundain nus CHF 90’000.— ad onn or dal conto «Contribuziuns a terzs». Sustegnids vegnan projects da lingua, projects da furmaziun e projects culturals da tut las spartas artisticas sco era projects interdisciplinars, socioculturals e da la cultura populara.