kidsfits per vallader | Lia Rumantscha

04-01: Hoz es il Di da la scrittüra da Braille

Cura hast cumplion? Sast fingià leger la data da teis anniversari? Ün cumplion important per fich blers umans chi nu san leger culs ögls es l’anniversari da Louis Braille. El es nat ils 4 da schner 1809. Pervi dad el es quai il Di da la scrittüra da Braille, la scrittüra per persunas orbas.

11-02: Hoz es il Di dals amalats

Daspö il 1993 es ils 11 da favrer adüna il di per pensar als amalats e tils güdar. L’idea per ün tal di ha gnü l’anteriur papa Gian Paul II, cur ch’el d’eira svess üna jada fich amalà.

15-02: Hoz es il Di dal verm da plövgia

Cucu … quia suna! Giò quia! Eu guard be our da la terra cur chi plouva. Il sulai nu n’haja jent. Tü vezzast a mai, ma eu nu vez nöglia, eu sun orb. Pella paja suna fich ferm. Eu sun bun da dozar fin 60 jadas meis agen pais. Scha tü paisast 25 kils, füss quai sco scha tü savessast dozar 1’500 kils, dimena ün auto grond!

14-03: Hoz es il Di internaziunal da la matematica

In scoula imprendast, cha matematica es dombrar e far quints. Per exaimpel plus e minus. I’l rom matematica imprendast eir a masürar e da plazzar o disegnar muostras, forsa perfin cun fuormas geometricas sco per exaimpel trianguls e quadrats. Matematica nu daja però be in scoula. Schi’s guarda bain, lura as vezza dapertuot matematica. Vezzast in teis minchadi nomers, muostras e fuormas?

23-03: Hoz es il Di internaziunal da la meteorologia

Perche daja ün Di internaziunal da la meteorologia? L’ora nu cugnuoscha ingüns cunfins da pajais. Perquai esa important cha meteorologas e meteorologs da tuot il muond lavuran insembel. Per exaimpel pervi dals uricans: quistas strasoras sun privlusas e scha las meteorologas ed ils meteorologs dad ün pajais san chi dà ün urican, pon els avertir a lur collegas in tschels pajais. Per ch’els possan lavurar bain insembel e barattar infuormaziuns, es gnüda fundada als 23 da marz 1950 l’organisaziun ‹World Meteorological Organization›, l’organisaziun mundiala da la meteorologia. Ils 23 da marz es l’anniversari da quist’organisaziun.

27-03: Hoz es il Di mundial dal teater

Hast eir fingià dudi la frasa: «Schmetta da far teater!»? Forsa cha teis genituors o tia magistra han dit quai, cur cha tü hast fat da quai chi nu’s stuvess far … Per exaimpel cur cha tü hast fat il clown! Ils 27 da marz hast üna buna s-chüsa per far teater sco cha tü voust. Tü poust dir: «Bain, hoz fetscha teater! Ils 27 da marz es nempe il Di mundial dal teater.»

23-04: Hoz es il Di mundial dal cudesch

L’UNESCO ha declerà ils 23 d’avrigl sco Di mundial dal cudesch. Perche güsta ils 23 d’avrigl? Quai ha da chefar cun üna tradiziun in Catalogna, ingio chi’s festagia quella data il di dal nom da san Güerg. Quel di regala la glieud tanter pêr rösas e cudeschs.

30-04: Hoz es la Not dal barlot

Quist mais nu daja ün di special, ma bain üna not speciala! La not dals 30 d’avrigl süls 1. da mai vain eir nomnada «la Not dal barlot». Plü bod as dschaiva cha las strias vegnan oura quella not per ballar e star insembel da cumpagnia fond festa. Dimena per far ün vair «barlot» (bal da las strias).

17-05: Hoz es il Di mundial da far tuortas e pan

Happy birthday tuorta d’anniversari! Hai, eir la tuorta d’anniversari ha ün agen di da festa o apunta: ün agen di mundial. Ils 17 da mai es il Di mundial da far tuortas e pan.

08-06: Hoz es il Di dal mar

Nos planet, la Terra, vain eir nomnà «il planet blau». Vis da dalöntsch, per exaimpel giò da la glüna, es nos planet per gronda part blau – pervi dal mar. Sün nos muond es daplü surfatscha cuvernada cun aua co cun terra. Il mar es enorm important per nus umans e per las bes-chas. Perquai sto il mar gnir protet. Per far attent a quist fat han las Naziuns Unidas decis da festagiar il Di internaziunal dal mar.

11-12: Hoz es il Di dals fügitivs

Hoz es il Di dals fügitivs, ün di per pensar a tuot ils umans chi han stuvü bandunar lur patria per mütschir da guerras, da violenza o da persecuziun.

08-08: Hoz es il Di dal giat

Quist di nun es pel «Quai es pel giat» as es invan. Ma il Di dal per nöglia! Ma bain chi tils giaja bain.

13-08: Hoz es il Di da las tschankinas e dals tschankins

Cun che man scrivast? Cun chenün disegnast? E cun chenün vaja meglder da tagliar? Cul dret o cul schnester? Ils blers umans fan quai cul man dret, els sun dretners. Scha tü scrivast, disegnast, tagliast e büttast üna balla il plü jent cul man schnester, lura est tü tschankina tschankin e quist di es specialmaing per tai 

07/08-09: Dis europeics dal patrimoni

Che as zoppa davo las portas e la müraglia d’ün chastè? Chi ha fabrichà la tuor da crap e co guarda ella oura da dadaint? Quant vegl es ün viaduct e perche tegna’l amo adüna? Chastels, tuors, viaducts e punts veglias ans pudessan quintar bleras istorgias dal passà – sch’els savessan discuorrer … Dar la vusch a tals monumaints, a quists patrimonis dal passà, quai es l’idea dals Dis europeics dal patrimoni.

15-09: Hoz es il Di internaziunal dal punct

Tuot ha cumanzà cul cudesch «The dot» – «Il punct» chi quinta l’istorgia da la matta Vashti. Ella craja ch’ella nu sapcha disegnar. «Cumainza
simplamaing cun ün punct», disch sia magistra. Vashti fa quai e disegna simplamaing ün punct immez il fögl.

21-09: Hoz es il Di da la pasch

Co fas ti pasch? Forsa cun dar il maun e dir: «Faschainsa pasch»? Il Di da la pasch, ils 21 da settember, duain tuts chalar da cumbatter in l’auter. Las armas stuessan atgnamain taschair quel di.

6-10: Hoz es il di dal surrier

Cugnuoschast il smiley? Tü hast sgüra fingià vis la simpla fatscha gelgua chi surria. Forsa hast vis ün smiley sün ün tacharöl, forsa sül telefonin o forsa hast ün etui o oter material da scoula o scoulina cun sü ün smiley? Il pled «smiley» vain da l’inglais «smile!» voul dir «surria!».

7-10: Hoz es il Di da la pingoula

La pingoula es üna planta fich speciala. Ella porta ballinas albas sco da vatta. Quai es la pingoula, per tudaisch «Baumwolle». Cun Pingoula as poja far blera bella roba. Guardai intuorn: t-shirts, stinvs, süaintamans, roba da let, uorsins da plüsch – tuot quai e blera otra roba vain fatta da pingoula.

10-10: Hoz es il Di mundial dal chan

Qua vegn il di per Lupo! Il Di mundial dal chan dessan ils umans dir grazcha als chans per tuot quai ch’els fan per els. E Lupo pissera bain per buna glüna. Perquai ha el merità üna liongia! O forsa eir duos.

09-11: Hoz es il Di da las inventuras e dals inventurs

Chi ha insè inventà la roba cha nus dovrain mincha di? Chi ha inventà il telefonin, il pairin, il velo, la fraischera, il palperi o ils jeans? Bleras da quistas robas nu sun stattas quia dad ün di a l’oter. Inchün ha il prüm stuvü avair l’idea e zambriar prümas versiuns da quists s-cherps.

20-11: Hoz es il Di dals drets da l’uffant

Che culur han teis chavels? Che culur ha tia pel? Est grond o pitschen?
Sast cuorrer sco ün leopard o sezzast in üna sopcha cun roudas? Est ün mattin o üna mattina? Tuot quistas differenzas nu sun d’importanza.

11-12: Hoz es il Di internaziunal da la muntogna

Savais vus chi dà ün di special aposta per nossas muntognas? El ans dess güdar a tegner adimmaint cha las
muntognas sun fich importantas per nos planet. Las muntognas majestusas nu sun be fich bellas per guardar, ellas sun nüzzaivlas ed importantas per nos sistem ecologic.

(rumantsch grischun)

01. Alvetta
02. Il Retg-rauna
03. Maisina, T'emplaina!
04. La chapitscha cotschna
 

(rumantsch grischun)

01. Tschendrina
02. Il cusunz curaschus
03. Il luf ed ils set ansiels 
04. Gion da la fortuna
 

(rumantsch grischun)

01. Gionin e Grettina
02. Rosaspina
03. Ils musicants da Brema
04. Alvina e Rosetta
 

(rumantsch grischun)

01. Dunna Holla
02. Ils chalzers isads
03. Rumplarot
04. Il retg Barbatursch
05. Rampunella
06. Las stailas-marenghin