Lavuratori «Scriver litterar» | Lia Rumantscha

paragraf - Lavuratori «Scriver litterar»

Lavuratori «Scriver litterar»

Nus purschain a partir dal schaner 2025 in lavuratori «Scriver litterar» per autur*as rumantsch*as, l’emprima purschida
da furmaziun e da perfecziunament per scriver texts litterars en rumantsch. La purschida pussibilitescha
als*las participant*as da chattar e precisar lur agen scriver litterar.

La purschida vegn sustegnida finanzialmain e concepziunalmain da la Fundaziun svizra per la cultura Pro Helvetia. Ulteriuras fundaziuns
ed instituziuns sustegnan il project finanzialmain, conceptualmain ed idealmain:
Fundaziun Ernst Göhner, Pro Litteris, Fundaziun Studer/Ganz, Fundaziun Binding, A*dS Autur*as da la Svizra


Per tgi?

La purschida sa drizza a persunas rumantschas che han gia fatg emprimas experientschas da scriver texts litterars e che vulan approfundar quellas.
La furmaziun è er adattada per persunas che scrivan gia professiunalmain en auters champs e vulessan sviluppar vinavant lur abilitads.
Persunas entusiasmadas da la litteratura che vulessan scuvrir vias novas cun scriver èn era bainvegnidas – independentamain da la vegliadetgna, da la furmaziun e da l'idiom.
Il lavuratori è in'ufficina da scriver che dat in spazi per emprender, barattar experientschas, scriver e discutar texts.
Ils*las participant*as duain lavurar durant il lavuratori vi d'in agen project litterar.
 

Cuntegn e durada

Il lavuratori cuntegna quatter moduls che permettan d'emprender d'enconuscher differents geners da texts e d'experimentar cun quels:
Il modul «Experiment», il modul «Prosa», il modul «Scriver texts scenics», il modul «Lirica» ed il modul«Scriver e publitgar texts plurilings».
En pli porscha il lavuratori ina survista da l'uschenumnà canon litterar rumantsch.
Suenter avair frequentà questa part tematica approfundeschan ils*las participant*as cun sustegn da la gruppa e da mentur*as lur projects litterars individuals.
Il lavuratori cumpiglia bundant 30 sondas ed in tschert temp da lavur vi dals projects litterars individuals ils onns 2025 e 2026.
Las vacanzas da scola vegnan resguardadas uschè bain sco pussaivel.

25-1-25, 9:30 – 17:00, Plenum: Introducziun, tut*tas docent*as, ev. cun apero

1-2-25, 9:30 – 17:00, Canon rumantsch: Introducziun, Rico Valär

8-3-25, 9:30 – 17:00, Modul «Experiment», concepì da Flurina Badel cun docent*as da giast

15-3-25, 9:30 – 17:00, Modul «Experiment», concepì da Flurina Badel cun docent*as da giast

5-4-25, 9:30 – 17:00, Modul «Experiment», barat cun l'autura Li Mollet

26-4-25, 9:30 – 17:00, Canon rumantsch: Prosa, Rico Valär

3-5-25, 9:30 – 17:00, Modul «Prosa», Leo Tuor

10-5-25, 9:30 – 17:00, Modul «Prosa», Leo Tuor

7-6-25, 9:30 – 17:00, Modul «Prosa», Leo Tuor

14-6-25, 9:30 – 17:00, Modul «Prosa», barat cun l'autura e translatura Christina Viragh

28-6-25, 9:30 – 17:00, Modul «Prosa», Leo Tuor

5-7-25, 9:30 – 17:00, Modul «Scriver texts scenics», Selina Beghetto

23-8-25, 9:30 – 17:00, Modul «Scriver texts scenics», Selina Beghetto

30-8-25, 9:30 – 17:00, Modul «Scriver texts scenics», Selina Beghetto e Lukas Bärfuss

20-9-25, 9:30 – 17:00, Modul «Scriver texts scenics», Selina Beghetto e Lukas Bärfuss

25-10-25, 9:30 – 17:00, Canon rumantsch: lirica, Rico Valär

1-11-25, 9:30 – 17:00, Modul «Lirica», Dumenic Andry

15-11-25, 9:30 – 17:00, Modul «Lirica», Dumenic Andry

22-11-25, 9:30 – 17:00, Modul «Lirica», Dumenic Andry

6-12-25, 9:30 – 17:00, Modul «Lirica», barat cun autur*a envid*ada

13-12-25, 9:30 – 17:00, Canon rumantsch: Intertextualitad litterara, Rico Valär

24-1-26, 9:30 – 17:00, Modul «Scriver e publitgar texts plurilings», Vincenzo Todisco

31-1-26, 9:30 – 17:00, Modul «Scriver e publitgar texts plurilings», Vincenzo Todisco

14-2-26, 9:30 – 17:00, Modul «Scriver e publitgar texts plurilings», Vincenzo Todisco

21-2-26, 9:30 – 17:00, Modul «Scriver e publitgar texts plurilings», barat cun autur*a envid*ada

7-3-26, 9:30 – 17:00, Plenum: Preschentaziun da texts en la gruppa, docent*as

21-3-26, 9:30 – 17:00, Plenum: Preschentaziun da texts en la gruppa, docent*as

30-3-26, 9:30 – 17:00, Participant*as dattan giu la skizza da project

avrigl – october 2026, fasa da project: Ils*las participant*as lavuran cun sustegn da mentur*as vi da lur project litterar.

8 – 12-7-26, emna da scriver intensiva (infurmaziuns suondan pli tard)

19-9-26, 9:30 – 17:00, Plenum: Vista externa e discussiun dals texts, gruppa docent*as ed expert*as extern*as

26-9-26, 9:30 – 17:00, Plenum: Reflexiun vista externa e discussiun dals texts, gruppa / Invista en il mund da litteratura, Cornelia Mechler, A*dS Auturas ed auturs da la Svizra

7-11-26, Finiziun e preschentaziun publica dals texts durant ils Dis da litteratura a Domat

Annunzia

L'annunzia è pussaivla a partir dal 1. da settember enfin la fin da november 2024.

As annunziai p. pl. cun ils sequents documents:
brev da motivaziun/d'annunzia
emprova da scriver (prosa 6'000 – 10'000 battidas, incl. vidas/lirica 5–10 poesias)
curta biografia che raquinta da Vossas experientschas litteraras
(tut ils idioms e rumantsch grischun èn bainvegnids)

Suenter Voss'annunzia faschain nus in discurs d'admissiun per empreder d'enconuscher Vus e discutar Voss interess litterars.

Tramettai p. pl. Voss'annunzia a partir dal 1. da settember per e-mail a Gianna Cadonau (adressa e-mail sutvart) u per posta a:
Lia Rumantscha, Lavuratori «Scriver litterar», Via da la Plessur 47, 7001 Cuira

Custs

Custs da semester: CHF 625.- 
Inclus èn 3 h da mentorat individual per participant*a ed il material da curs.
Custs totals lavuratori «Scriver litterar»:  CHF 2'500.-

 

Lieu 

Il lavuratori ha lieu en las localitads da la Lia Rumantscha a Cuira.

Ina participaziun a distanza n'è betg giavischada, dentant da princip pussaivla. Sch'ina preschientscha fisica n'è betg pussaivla per Vus,
menziunai quai p. pl. en Voss'annunzia. Durant il discurs d'admissiun vegnin nus a discutar sco proceder.

Descripziuns dals moduls