Promoziun da la furmaziun | Lia Rumantscha

«A lunga vista datti mo insatge ch'è pli char che la furmaziun: nagina furmaziun». (John F. Kennedy) 

Nus ans engaschain per ina furmaziun rumantscha persistenta en collavuraziun cun las trais conferenzas scolasticas rumantschas, cun nossas uniuns affiliadas e cun tut las autras uniuns ed instituziuns. Questa lavur cumenza cun far attent geniturs futurs als avantatgs da la bilinguitad, cuntinuescha cun duvrar e promover la lingua en canortas e scolinas, en la scola populara, en scolas cuntinuantas ed en la furmaziun da scolastas e scolasts e sa manifestescha en il diever quotidian da la lingua. En lieus linguisticamain eterogens sensibilisain nus geniturs e giuvenils per ils avantatgs dal rumantsch, da l'instrucziun e da la furmaziun bilingua. Ultra dal rumantsch en scola giogan er il diever da la lingua en famiglia e l'acquisiziun voluntara dal rumantsch ina rolla impurtanta. L'emprim permetta da dar vinavant la lingua, il segund sustegna l'integraziun linguistica. Nus organisain en pli curs da rumantsch e sustegnain uniuns e fundaziuns che porschan instrucziun rumantscha.