paragraf - Suprastanza
Fotograf: Marco Hartmann
Suprastanza
La suprastanza da la Lia Rumantscha sa cumpona da sis commembras e commembers. Il presidi vegn elegì da la radunanza da delegadas e delegads. Las trais uniuns regiunalas Surselva Romontscha, Uniun dals Grischs ed Uniun Rumantscha Grischun Central èn represchentadas mintgina cun ina persuna. La suprastanza vegn cumplettada cun in post liber, actualmain occupà da l'Uniun da las Rumantschas e dals Rumantschs en la Bassa. La suprastanza elegia la secretaria generala resp. il secretari general.
Cumposiziun actuala da la suprastanza
Actualmain sa cumpona la suprastanza dad Urezza Famos (co-presidenta da la Lia Rumantscha), Gianna Luzio (co-presidenta da la Lia Rumantscha), Gianna Duschletta (represchentanta da l’Uniun dals Grischs), Toni Vinzens (represchentant da la Surselva Romontscha), Lars Prevost (represchentant da l’Uniun da las Rumantschas e dals Rumantschs en la Bassa) e Patric Vincenz (represchentant da l’Uniun Rumantscha Grischun Central).
Fotografia: Patric Vincenz, Gianna Duschletta, Gianna Luzio, Urezza Famos, Toni Vinzens, Markus Solinger (da sanestra a dretga, Lars Prevost manca sin la fotografia)