Curs rumantschs | Lia Rumantscha

paragraf - Curs rumantschs

Curs rumantschs

Independentamain dal lieu purschain nus pussaivladads a tut las persunas che vulan emprender rumantsch u che vulan perfecziunar lur cumpetenzas en rumantsch. Quai faschain nus cun curs en differents formats, en tut ils idioms e rumantsch grischun. Nus procurain per la tgira e per il svilup da meds per emprender rumantsch. Nus realisain en Chasa Rumantscha l’examinaziun per il certificat da fide rumantsch che cuvra ils livels da cumpetenza A1 fin B1.  

Purschida curs rumantschs

Meds per emprender

Nus ans legrain da metter a disposiziun las soluziuns, ils audios e las transcripziuns dals audios d'intgins meds per emprender. Ils audios, las transcripziuns e las soluziuns chattais Vus directamain tar mintga med per emprender en nossa butia online ubain qua:

In lingia directa 1 e 2

soluziuns

 audios tom 1

transcripziuns dals audios 

 

curs da rumantsch grischun Gieri Menzli

soluziuns

An lengia directa 1 e 2

soluziuns

audios tom 1

transcripziuns dals audios

En lingia directa 1 e 2

soluziuns

audios tom 1

transcripziuns dals audios

cuors da rumantsch Gieri Menzli

soluziuns

 

An lingia directa 1 e 2

soluziuns 

audios tom 1

transcripziuns dals audios

In lingia directa 1 e 2

soluziuns

 audios tom 1

 transcripziuns dals audios

Fotografia da Mathias Kunfermann che mussa la Surselva.

Tabella da conjugaziun per verbs sursilvans

Nus ans legrain da metter a disposiziun la «Gliesta dils verbs romontschs sursilvans» dad Arne Polage ed Emanuel Brühlmann a la publicitad. Durant in curs da sursilvan han els gì l'idea da rimnar cunzunt ils verbs irregulars e da render accessibels quels en tut las furmas conjugadas. La collecziun levamain surlavurada cumpiglia ussa 1170 verbs.

La «Gliesta dils verbs romontschs sursilvans» consista da duas parts:

- la part 1 cuntegna 553 verbs che devieschan da la conjugaziun regulara

- la part 2 cumpiglia 617 verbs, pia 35 dapli che avant, surtut tals che cuntegnan l’infix -esch- e verbs pli frequents

A la fin da mintga verb conjugà datti ina colliaziun che maina a las annotaziuns cun infurmaziuns detagliadas (p.ex. co telechargiar sin apparats mobils e las differentas furmas dal conjunctiv).
 
Annunzias da sbagls e cumplettaziuns per plaschair a: embruehlmann@bluewin.ch 
 
© Arne Polage / Emanuel Brühlmann

Las duas glistas da verbs pudais telechargiar qua: