Pagina iniziala | Lia Rumantscha

paragraf - Pagina iniziala

Bainvegni tar la Lia Rumantscha

La Lia Rumantscha è vegnida fundada ils 26 d'october 1919 sco organisaziun tetgala da las uniuns linguisticas rumantschas. Ella è in’instituziun d’utilitad publica ed è politicamain e confessiunalmain neutrala. En il rom da sia incumbensa da dretg public attribuida da la Confederaziun e dal chantun Grischun porscha ella differents servetschs.

La Lia Rumantscha sustegna, promova e coordinescha ils projects da las organisaziuns regiunalas e surregiunalas a favur da la lingua e cultura rumantscha. Ella s’engascha per la promoziun ed il mantegniment dal rumantsch e represchenta la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.

Novas

Bild

Di dal Plurilinguissem ils 27 da settember 2023

Di dal plurilinguissem

Ils 27 da settember 2023 ha lieu per la tschintgavla giada il «Di dal plurilinguissem» en il parlament – parallelamain cun ils Dis dal plurilinguissem da l‘administraziun federala.

Bild

Traversadas litteraras

«Traversadas litteraras»

Il dieschavel lavuratori «Traversadas litteraras» che la Lia Rumantscha e la Chasa da la translaziun Looren porschan sa deditgescha a la translaziun da las ovras undradas cun in premi litterar svizzer.

Bild

Maletg simbolic per la Lia Rumantscha cher tschertga persunal.

Plazzas libras

La Lia Rumantscha tschertga «ina persuna per la promoziun regiunala en Surselva (40-50%)».

Lectura per las vacanzas da stad

Pia pirata
Esther Leist , Brigitte Jud
Ovra Svizra da Lectura per la Giuventetgna
rumantsch grischun
CHF 9.00
Via dal Mer
Anna Weber
OSL Ovra Svizra da Lectura per la Giuventetgna
puter
CHF 9.00
Il spiert in Venezia
Daniel Badraun , Corinne Schroff
Ovra Svizra da Lectura per la Giuventetgna
puter
CHF 9.00

Ina schelta da nossas purschidas

Bild

Ina scena or dal teater "Tredeschin" per il giubileum da 100 onns Lia Rumantscha.

Contribuziuns finanzialas

Nus sustegnain projects rumantschs cun contribuziuns finanzialas. Ins po inoltrar projects culturals da tut las spartas artisticas da tempra interdisciplinara e socioculturala e dal sectur da la cultura populara. Plinavant sustegnain nus projects da lingua e da furmaziun.

 

Bild

Maletg da simbol per curs rumantschs che illustrescha trais scolaras ed ina scolasta.

Curs da rumantsch

Nus purschain a tut las persunas che vulan emprender rumantsch u che vulan perfecziunar lur cumpetenzas dal rumantsch las pussaivladads da far quai independentamain dal lieu. Ins po tscherner da curs en differents formats en tut ils idioms e rumantsch grischun.

 

Bild

Maletg simbolic per las cussegliaziuns da la Lia Rumantscha.

Cussegliaziuns

Giavischais Vus ina cussegliaziun en connex cun il rumantsch? 
Nus As cussegliain gugent en dumondas davart la lingua, la cultura, la furmaziun u la represchentaziun d'interess.

 

Bild

Fotografia dal Pledari Grond da la Lia Rumantscha.

Pledari Grond

Il Pledari Grond è ina plattafurma da dicziunaris online che reunescha sut in tetg vocabularis dals idioms e dal rumantsch grischun. Il vocabulari rumantsch grischun, surmiran e sutsilvan po la redacziun dal Pledari Grond cumplettar d'in cuntin cun propostas che las utilisadras ed ils utilisaders fan per pleds che mancan. Questa pussaivladad d’engrondir il stgazi da pleds vulain nus prest era porscher per ils ulteriurs idioms.

 

Bild

Nic e Luisa

Program da famiglia

kidsfits, noss program da famiglia, è ina purschida per famiglias, canortas, gruppas da gieu e scolinas. kidsfits stat per uffants fits che han plaschair da la lingua rumantscha e che fan diever dad ella. kidsfits datti en tut ils idioms ed en rumantsch grischun.

 

Bild

Maletg cun dicziunaris rumantschs che furman ina tuor.

Translaziuns e lectorats

Nus translatain e lectorain texts da tut gener en rumantsch grischun ed en ils idioms. Per il solit translatain nus dal tudestg, ma occasiunalmain era dal talian, dal franzos e da l'englais.