Article - kidsfits per vallader
kidsfits per vallader
kidsfits, il program da famiglia da la Lia Rumantscha, es üna spüerta per famiglias, canortas, gruppas da gö e scoulinas. kidsfits rapreschainta uffants fits chi’d han plaschair da la lingua rumantscha e fan adöver dad ella. kidsfits daja in tuot ils idioms ed in rumantsch grischun.
Ils uffants sun l’avegnir da la società e da la cultura rumantscha. Perquai esa important da promouver la lingua güsta pro els. Üna gronda influenza sün l’adöver da la lingua han ils genituors, mo eir pedagogas e pedagogs ed ulteriuras persunas importantas pels uffants. La Lia Rumantscha sustegna quista promoziun cun differents materials sco cudaschets, portatuns e gös e cun infuormaziuns e support in reguard a la lingua e’ls uffants. Ella organisescha inscunters cun persunas d’instrucziun e pussibiltescha da barattar ideas, d’exprimer giavüschs e da dar impuls. La pagina-web dà üna survista davart las activitats. Ella vain actualisada e cumplettada regularmaing. Pel mumaint sta aint il center la lavur cun uffants d’età prescolara.
La giuvna famiglia Babulin accumpagnarà adüna darcheu als uffants sco eir als pedagogs ed a las pedagogas. Ils uffants pon s’identifichar cun ella, cun sia lingua e cun seis minchadi.
Il program kidsfits vain realisà cun sustegn da la Banca Chantunala Grischuna.
Prodots e material didactic
Chalender special da la famiglia Babulin
Nus vain realisà ün chalender cun dis specials da la famiglia Babulin. Tar tuot ils dis specials dal chalender survegnan ils uffants ideas per zambriar, giovar ed oter plü.
Ordinatuors tematics
Ils ordinatuors per famiglias, canortas, gruppas da gö e scoulinas trattan differents temas da l’ambiaint e dal minchadi da l’uffant. Els cuntegnan versets, chanzuns, fögls cun cartinas per stampar ed ideas pels pedagogs e pels genituors. Ils uffants dessan pudair tour a chasa ils fögls da lavur. Uschè vegnan integrats eir ils genituors aint il process d’imprender e san daplü davart la lingua cha lur uffant imprenda e’ls progress ch’el fa.
Audios e cudeschs auditivs
Qua as po s-chargiar giò audios e cudeschs auditivs:
(rumantsch grischun)
Top Kids vol. 16.mp3
01. Alvetta
02. Il Retg-rauna
03. Maisina, T'emplaina!
04. La chapitscha cotschna
(rumantsch grischun)
Top Kids vol. 18.mp3
01. Tschendrina
02. Il cusunz curaschus
03. Il luf ed ils set ansiels
04. Gion da la fortuna
(rumantsch grischun)
Top Kids vol. 19.mp3
01. Gionin e Grettina
02. Rosaspina
03. Ils musicants da Brema
04. Alvina e Rosetta
(rumantsch grischun)
Top Kids vol. 21.mp3
01. Dunna Holla
02. Ils chalzers isads
03. Rumplarot
04. Il retg Barbatursch
05. Rampunella
06. Las stailas-marenghin
01 bun di.mp3
02 chau.mp3
03 bun appetit.mp3
04 marenda.mp3
05 eu nu di.mp3
06 a maisa.mp3
07 a Honolulu.mp3
08 la glüna.mp3
09 buna not.mp3
10 la posina.mp3
11 lavar ils daints.mp3
12 cur chi s'ha fat mal.mp3
13 versin da la dainta.mp3
14 i naiva.mp3
15 i plouva.mp3
16 ir a spass.mp3
17 il vent.mp3
18 plitsch platsch.mp3
19 il silip.mp3
20 Pierlin.mp3
21 cucu.mp3
22 schi e na.mp3
23 ai ai ai.mp3
24 meis chan.mp3
25 la leivrina.mp3
26 la mina.mp3
27 il crocodil.mp3
28 la balla.mp3
29 hop hop.mp3
30 ha ha ha.mp3
31 il pop da naiv.mp3
32 las culurs.mp3
33 ingio est_.mp3
34 tic-tac.mp3
35 lavar la vaschella.mp3
36 mia büschmainta.mp3
37 far ün rinch.mp3
38 ils curalins.mp3
Würzburger
Würzburger - Hören, lauschen, lernen
(program da trenamaint)
Da maniera ludica imprendan ils uffants ill’età prescolara a cuguoscher la structura fonetica da la lingua discurrüda (= conscienza fonologica) culs exercizis variats cha’l program da trenamaint spordscha. Uschè vain facilità essenzialmaing als uffants d’imprender plü tard a scoula eir la lingua da scrittüra. Il program cumainza cun gös da güzzar las uraglias per trenar da tadlar bain, cuntinuescha cun exercizis da rima ed introdüa davo las unitats frasa, pled e silba. Per finir vegnan rendüts consciaints il sun inizial e singuls suns aint il pled. Il program da trenamaint daja i’ls idioms vallader, puter, sursilvan e surmiran e rumantsch grischun.
Filmins dals Babulins
Allegra! Eu sun Luisa e quai es meis frar Nic. Nus stain cun noss genituors aint in üna chasa violetta. Quai es Claudia, nossa mamma. E quai es nos bap. El ha nom Arno. Nus vain eir ün giat ed ün chan. Nos giat ha nom Brutus. Nus til vain dat quist nom perquai ch’el ha adüna noscha glüna. Nos Lupo es ün char. El inclegia eir rumantsch. Nus stuvain be clomar «Lupo, vè», lura vain el subit.
App Babulins
La Lia Rumantscha ha elavurà ün’app d’imprender cun las figüras da kidsfits per uffants da 3 a 6 ons. Cun quista app as poja imprender pleds simpels da maniera ludica.
Sets da maisa
Qua as po s-chargiar giò ils sets da maisa: