Articolo - Curs intensivs da vallader
Curs intensivs da vallader a Scuol e Sta. Maria
La Lia Rumantscha porscha per incumbensa da l'Uniun dals Grischs curs intensivs da vallader a Scuol e Sta. Maria. Quests curs pussibiliteschan a tut las persunas interessadas d'emprender, da meglierar u perfecziunar la lingua scritta e discurrida en Engiadina Bassa e da la duvrar activamain.
En pli dat il curs invista en il rumantsch – spezialmain en la cultura ladina. Quai na succeda betg mo en las lecziuns, mabain era durant il program accumpagnant facultativ che cumpiglia referats, excursiuns ed inscunters cun persunalitads rumantschas. La lingua d'instrucziun è en tut ils curs il rumantsch.
Ils curs intensivs 2026 han lieu:
a Scuol, dals 13 fin ils 17 da fanadur 2026
a Sta. Maria, dals 12 fin ils 16 d'october 2026
As segirai Vossa plazza – nus ans legrain da Vossa annunzia.