Il Chalender Ladin publichescha ün pêr ouvras poch cuntschaintas e prouva da trer adimmaint tscherts aspets tuottafat speciels da sia ouvra e vita.
Scu in mincha Chalender Ladin as chatta eir texts da scriptuors dad hoz, da fich cuntschaints scu eir da quels main cuntschaints, eir ün pêr parevlas fantasticas dad Anna Ratti (as chatta) chi paun fer cuvaida da ler la prosma “Chasa Paterna” chi cumpariro bainbod.
Illa sparta da l’art preschainta il Chalender Ladin il sculptur Giuliano Pedretti. Ad es fascinant da vaira che via consequenta cha quist artist es ieu daspö ch’el ho frequento la scoula d’art i’ls ans quaraunta. Sia art sto in stretta colliaziun cun l’art mundiela ed a listess temp eir tuottafat creschida our da la cultura alpina ed engiadinaisa