Bucobello era in giuven senza tema. Per ina malchapientscha terribla ha el mazzà ses bab. Per chastì ha el survegnì l’incumbensa dad ir per il mund enturn fin ch’el haja in di propi tema per sia atgna vita. Bucobello è pia sa mess en viadi ...
 
02. Son Giatgen an Galizia
In bab era vegnì fitg malsaun ed aveva empermess ch’el veglia ir sin via da pelegrinadi fin Son Giatgen en Galizia, sch’el vegnia puspè saun. Cura ch’el era puspè sa revegnì è el sa mess en viadi cun ses set figls. Mintga notg stueva in dad els star guardia. Ma il pli giuven ha bandunà ses fragliuns e ses bab – enstagl da star guardia – ed ha passentà ina notg fitg aventurusa ...
  
03. Barba Giatgen e Gionlign
Per gidar sia famiglia vul Gion ir cun ses barba Giatgen en Tirchia e daventar martgadant. Enstagl da spargnar ses raps per cumprar martganzia, deliberescha Gion trais povras olmas. Ses barba n’ha nagina chapientscha per quest agir, ma Gion vegn remunerà per sia cumpassiun.