Tge capeta, sch’egn artist ambiziuno digl martgieu vean cun pinels, paletas ad egna fearma tendenza da dramatisar segl bagn puril d’egn pur da tgoras c’â bugent bùn urden?
An l’idila da nuegl, trànter furtgas da fagn, tufient da tgoras ad egn veader hrui da latg vean creada egn’ovra d’art. Egn maletg ca de – seglmains an la teoreia – catar la veia a New York agl renumo MoMA. Par dezider quegl, e vagnieu anvido egn cunaschaint expert d’art.
Mo ear egn lader d’art ad igl sieus cumpliz cun mal igl dies ân udieu da quella grandiusa ovra. Lur fegnamira: Angular igl maletg!
Egna cumedia plagn pointas, pineladas a panas – a l’amparada c’â forza digl sieus tains gea fatschando igl Picasso: sa la genialitad easser igl resultat da spira casualitad? A scha ea: tgi survean a la fegn igl aplaus?