Artikel - Scolaziun per manadras e manaders da curs da rumantsch
Scolaziun per manadras e manaders da curs da rumantsch
La Lia Rumantscha tschertga adina puspè manadras e manaders per ils curs da rumantsch. Forsa avessas era Vus tschaffen d’instruir rumantsch, ma n’avais naginas enconuschientschas didactic-metodicas ed anc mai instruì creschids?
Nagin problem! La Lia Rumantscha porscha ina scolaziun per persunas che vulan instruir rumantsch, ma che n’han paucas u naginas enconuschientschas da la didactica e metodica.
*****
Cura
sonda, ils 5-04-2024 ed ils 26-04-2024, mintgamai da las 10.00 a las 16.30 cun pausas e marenda
plus 10 uras accumpagnament d'ina mentura
Nua
Chasa Rumantscha a Cuira, localitads da curs
Premissas
savair bain rumantsch (idiom e/u rumantsch grischun)
avair temp e gust d’instruir persunas creschidas che vulan emprender rumantsch
Custs
200.00 CHF per omadus dis (tgi che instruescha pli tard per la Lia Rumantscha survegn enavos la mesadad)
Docentas
Flavia Hobi ed Annalisa Schaniel
*****
Avais Vus dumondas? Gugent gidain nus vinavant: