Artikel - #2 creaton a Berna
#2 creaton a Berna - ideas per nossa lingua
Il creaton – sumegliant ad in hackaton – porscha l’occasiun d'elavurar e da concretisar ideas per nossa lingua. Per exempel in’applicaziun per emprender rumantsch u in’occurrenza d’inscunter cun in program cultural rumantsch. Questa ediziun dal creaton focussescha sin ils basegns da las Rumantschas e dals Rumantschs che vivan ordaifer il territori rumantsch.
Il #2 creaton sa drizza ad ina e scadin, enconuschientschas preliminaras n’èn betg necessarias. S’annunziar pon ins fin ils 12-01-2025 ed ideas per in project pon ins nudar en il document collià sutvart.
Cura e nua
Il #2 creaton ha lieu ils 19 da schaner 2025 da las 9.30 enfin las 17.00, en il center da cultura PROGR, Waisenhausplatz 30, 3011 Berna. Quest’occurrenza vegn organisada da la Lia Rumantscha e da la Pro Svizra Rumantscha cun sustegn da l’Uffizi federal da cultura. I vegn offert: café, stortins, gentar e marendinas. Ils trais megliers projects vegnan sustegnids cun 4’000 CHF.