Dis d'aventuras rumantschas | Lia Rumantscha

Ils Dis d'aventuras rumantschas da la Lia Rumantscha cumbineschan la promoziun dal rumantsch cun gieus e divertiment a Turitg e conturn. En l'ediziun da quest onn cuschinan e zambregian ils uffants ensemen cun Pia Plaz, construeschan ensemen cun Mirco Seeli da la Scola auta spezialisada dal Grischun in roboter e passentan in di en l'iert dad Ursina Giger. En cas da mal'aura avain nus previs in program alternativ. Accumpagnads vegnan ils uffants da las manadras Ursina Giger e Niculina Plebani.
 

Glindesdi, ils 10-8-2026
Cuschinar e zambregiar cun Pia Plaz a Winterthur.

Mardi, ils 11-8-2026
Construir in roboter cun Mirco Seeli en l'implant da temp liber Holzlegi a Winterthur.

Mesemna, ils 12-8-2026
In di en l'iert dad Ursina Giger a Turitg.

Ils Dis d'aventuras rumantschas pon be vegnir visitads en furma cumpletta, betg separadamain. Ulteriuras infurmaziuns davart il program sco era davart il material ch'ils uffants ston prender cun sai survegnis Vus curt avant l'occurrenza.

Infos

Lieu
Turitg e Winterthur

Temp e lieu da scuntrada
9.00 – 17.00, «Treffpunkt» da la staziun da Turitg

Data
10 – 12 d'avust 2026

Vegliadetgna
6 fin 12 onns

Manadras
Ursina Giger e Niculina Plebani

Dumber da participant:as
5–15 uffants

Pretsch per persuna
CHF 130.00

ZVV-FerienPass
Nus recumandain da cumprar il «ZVV-FerienPass», che vala per il traffic public en l’entir chantun da Turitg. Qua chattais Vus dapli infurmaziuns. Uschiglio stuais Vus organisar sezs il viadi a Winterthur u en la citad da Turitg.

Segiranza
La segiranza è chaussa dal:as responsab:las per l'educaziun.