"Naven da gliez di dalla nanna entochen oz sun jeu iu cun in entir triep auters a pèr. Ed il mument che jeu vai giu detgavunda, sun jeu seviults siper ulteriuras creatiras e buca darar siper las caussas...
Denter la nanna e la biua secatta in spazi, miu entir andament, forsa buc ual in tanient, mo miu andament che cuntegn mes dis "giu cheu"...
Cun l'auter pèr ei il resultat d'ina descripziun ordvart subtila e sensibla dalla veta digl autur. En siu "confess" contonscha Hendry bein il pli ault grad pusseivel d'autenticitad e verdeivladad. Nua ch'el riscass da s'exponer da memia, drova el la metafra.
Abstrahau dil realissem, exprimiu, eisi danovamein quell'atmosfera tipica da Hendry che fascinescha; quell'aura spessa, bunamein magica, culla quala el enzuglia sias acziuns e sias persunas- ed era nus, ses lecturs.