Article - Gust sin in Café rumantsch virtual?
Avais gust sin in Café rumantsch virtual?
Nus avain plaschair, sche Vus essas da la partida. Il café stuais far sez, per ils buns discurs procura la Lia Rumantscha. Nus ans inscuntrain trais giadas durant l'enviern 2026 e discurrin e discussiunain davart ina tematica. Latiers bavain nus noss café e giudain 60 minutas rumantschas.
Tuttenina po l'entir mund sa participar al Café rumantsch virtual
Abitais Vus a Breil en Surselva, a Casti en il Grischun Central ubain a Brail en Engiadina Bassa? U essas Vus ina da bleras Rumantschas u in da blers Rumantschs che vivan giu la Bassa? U abitais Vus schizunt en Brasilia? Grazia al mund digital pudain nus tuttas e tuts ans inscuntrar sin in café e dar ina baterlada.
Il favrer, mars ed avrigl 2026 envida la Lia Rumantscha sportistas e sportists che discurran rumantsch. Ils Cafés rumantschs virtuals èn interrumantschs – tut ils idioms èn represchentads e bainvegnids. Nus celebrain la varietad rumantscha.
Datas e giasts 2026
10-2-2026, 19.00 – 20.00: Annina Tomaschett da Trun
Ella è tiradura da sport semiprofessiunala e fa part dal cader svizzer.
10-3-2026, 19.00 – 20.00: Giuliana Werro da Zernez
Ella è passlunghista professiunala ed ha gia gudagnà il Maraton da skis engiadinais.
14-4-2026, 19.00 – 20.00: Sandro Simonet da Cunter
El è skiunz professiunal, artist da slalom ed el ama la natira.
Attenziun: Ils plazs per ils Cafés rumantschs virtuals èn limitads. Spetgai pia anc da laschar or il café e s'annunziai l'emprim per ina da las occurrenzas. La colliaziun per As participar survegnis Vus per e-mail il di dal Café rumantsch virtual suenter las 16.00.