Per Ladina Janett è igl de da nozzas igl pi impurtant de digl onn. Ella carezza
las surpresas ed igls schintgetgs tgi totgan vetiers. Gio tot chels onns
celebrescha ella chel de cugl sies om Peder. Igl è la dumang digl 20avel de
da nozzas e per Peder antscheva igl mender de dalla sia veta – el ò amblido
cumplettamaintg chel sontgissem de. An sia misergia ampurmetta el a
Ladina igl migler e pi original schintgetg an l’istorgia. Pero noua duess el eir
per chel? I dat angal ena schliaziun: Sigi, igl scurril amei da Peder. Chel ò
dalunga pront en’ideia geniala. An vischnanca ò li en’aucziun – tranter oter
pon neir intgantadas valischas persas cun lour cuntign. La culminaziun da
chella tgossa: Igl cuntign ins vign pir a saveir siva digl intgant. Tge surpresas
e snavours! Sigi vign d’intgantar egna dallas valischas tschartgedas. Ma igl
cuntign è ena noscha surpresa per Peder e Sigi…