Articolo - Champ da stad a Vignogn
Champ da stad a Vignogn
Cun sustegn da l’Uffizi federal da cultura organisescha la Lia Rumantscha la stad 2025 in champ da stad a Vignogn en Val Lumnezia. Il champ polivalent sa drizza ad uffants e giuvenils rumantschs a partir da 7 fin 16 onns che abiteschan ordaifer il territori da tschep rumantsch.
Infos
Lieu: Chasa da champ Sentupada a Vignogn/Lumnezia
Data: 21 - 25 da fanadur/lügl 2025
Vegliadetgna: 7 fin 16 onns (senza geniturs)
Manadras: Martina ed Ursina Bühler, pedagoga sociala/psicologa da Lucerna/Mustér plus 3 assistent:as ed ina cuschiniera
Plazs a disposiziun: 23 - 25
Dumber minimal: 15 uffants/giuvenils
Pretsch per persuna: CHF 413.00 tar 23 / CHF 634.00 tar 15. Tut tenor dumber da persunas vegn il pretsch adattà.
Segiranza: È chaussa da mintgin:a
Annunzias: fin ils 3 da mars 2025
Il program chattais vus qua. Resalvà en pitschnas midadas tut tenor aura e pussaivladads supplementaras.
Formular d'annunzia
Da resguardar
Suenter il termin d’annunzia trametta la Lia Rumantscha in quint a basa dal dumber dad uffants che fan part.
Durant il champ vegnan fatgas fotografias e forsa filmins. Quel material vegn duvrà per far reclama per il champ sin la pagina web da la Lia Rumantscha e tut tenor per la pressa rumantscha. Uffants che na pon betg vegnir fotografads e filmads stuessan annunziar quai e guardar els sezs da s’allontanar da la camera. Las manadras dal champ na pon betg surpigliar responsabladad en chaussa.