Champs d'activitad | Lia Rumantscha

Nus essan in’instituziun d’utilitad publica ed essan politicamain e confessiunalmain neutrals. En il rom da nossa incumbensa da dretg public attribuida da la Confederaziun ed il chantun Grischun purschain nus differents servetschs.

Nus sustegnain, promovain e coordinain ils projects da las organisaziuns regiunalas e surregiunalas a favur da la lingua e cultura rumantscha. Nus ans engaschain per la promoziun ed il mantegniment dal rumantsch e represchentain la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.