paragraf - Plazzas libras
Plazzas libras
La Lia Rumantscha sustegna, promova e coordinescha ils projects da las organisaziuns regiunalas e surregiunalas a favur da la lingua e cultura rumantscha. Ella s’engascha per la promoziun ed il mantegniment dal rumantsch e represchenta la Rumantschia en ils differents champs da la vita sociala e statala entaifer ed ordaifer il territori rumantsch tradiziunal.
Era ti t’interessas per il mantegniment e la promoziun
da nossa lingua? Stupent, alura ans legrain nus sin tia annunzia sco:
La Lia Rumantscha tschertga a partir dal zercladur 2024 u tenor cunvegna
ina contabilista / in contabilist (40 – 50%)
Nus tschertgain
ina persuna che maina la contabilitad generala / la contabilitad da debiturs e crediturs inclus la facturaziun / che dat rapport a la suprastanza ed a la direcziun / che accumpogna il process da budgetaziun e che fa la bilantscha mensila ed annuala
Nus spetgain
ina furmaziun commerziala e savida da contabilitad / plaschair da lavurar da maniera autonoma ed exacta / bunas enconuschientschas dal rumantsch / experientschas da lavurar cun il program SAGE èn d’avantatg
Nus purschain
sustegn da vart d’in biro fiduziar / in bun clima da lavur en in team giuven / in’infrastructura moderna / ina collavuraziun sin basa da confidenza, colleghialitad e responsabladad / in’indemnisaziun e prestaziuns socialas confurmas al temp
Lieu da lavur
Cuira
Infurmaziuns davart la plazza dat:
Natalia Quinter, manadra Servetschs
Gugent spetgain nus l’annunzia cumpletta (brev da motivaziun, curs da la vita ed attestats) en in document pdf per e-mail a:
La squadra da la Lia Rumantscha sa legra sin tai!
