Quist cudesch as quinta las aventüras müravgliusas d'ün chalgerin chi nu vaiva ne bap ne mamma. Seis patrun d'eira ün hom sainza cour.
Ün di capita alch fich ingüst. La not banduna il chalgerin a seis patrun. E lura cumainza l'istorgia miraculusa, seis viadi tras il muond cun tuot seis privels. Sün via inscuntra'l a fidels cumpogns da viadi. Cun seis curaschi, seis güdizi e specialmaing cun seis bun cour survenscha'l adüna darcheu las grondas difficultats. Sias bunas ouvras nu restan sainza früts: tuot piglia üna buna fin.
Cur cha'l cudesch es let, füssa bun, scha vus dombressat insembel a quants umans cha quist giarsunin ha portà agüd dürant seis viadi; el chi d'eira pitschen sco ün bratsch, cuntaint sco ün utschè, curaschus sco'l pinzi Marco, scort sco ün cudesch e bun sco'l sulai.
Schi uossa, chars uffantsm legiai dimena!

Versiun valladra da Jachen Andry