«Nus savevan da nuot auter.» Seniors dalla Surselva raquentan da lur veta. Aviartamein ed a moda fetg detagliada. Historias che commuentan.
Ei vegn raquintau neginas biografias, mobein eveniments specifics dalla veta da mintga singul. Ferton che Marionna dat a nus in'envesta da si'affonza, seregorda Ida da sia nozza, raquenta Maria dalla fiera nera duront la Secunda Uiara mundiala, ri Rosa dalla naivadad sexuala e deplorescha Oscar la digren dils vitgs muntagnards. Communablamein fuorman quels raquents in portret d'ina generaziun ch'ei carschida si en Surselva. Ina generaziun, la quala fa la punt dil temps dallas uiaras mundialas, da crisa e da disoccupaziun, dalla veta religiusa avon il Secund Concil vatican alla societad beinstonta d'ozildi. Ella ei perdetga digl enorm svilup tecnic e da midadas socialas che han giu liug il 20avel tschentaner ed han effectuau bia ella veta da mintgadi, particularmein el territori alpin.