Temps d'acziun da quei roman da D. Capeder ei l'uiara dil Vietnam en sia fasa finala. Muort il squetsch politic e social dils Vietnamès dil nord sin la populaziun dil sid, ein biars Vietnamès dil sid vegni sfurzai da bandunar lur patria per via da mar per tschercar la libertad e quei pil pli en miserablas navs e sut torturas che regordan allas metodas da Hitler ella secunda uiara mundiala. Il roman descriva realisticamein la fuigia d'ina famiglia vietnamèsa-chinèsa da fugitivs.
En sia finamira vul il roman informar. El vul mussar, tgei carstgauns ein arrivai tier nus, tgei funs culturals, religius e social els portan cun els. Pér curs che nus Svizzers enconuschein quellas valurs, essan nus habels da capir quels carstgauns ed acceptar els. En sia originalitad vala il roman segir sco raritad en Svizra.