Registraziuns dialectalas rumantschas
Rätoromanische Mundartaufnahmen
Andrea Schorta / 1926
Ediziun tgirada da Rico Valär

Cun agid dal disc cumpact pon ins tadlar ils texts originals.

Il settember 1926 è succedì a Cuira insatge nunditg: Cun ina apparatura da grammofon da Berlin uschè gronda sco in vagun da viafier èn vegnidas registradas sin plattas da tschaira passa 40 dialects rumantschs, tudestgs e talians dal Grischun. In cudesch ed in disc auditiv rendan uss accessiblas per l’emprima giada las registraziuns dialectalas rumantschas. Ils dialects represchentads èn da Rueras, Breil, Vrin, Domat, Panaduz, Sarn, Scharàns, Maton, Calantgil, Vaz su, Alvagni, Mon, Savognin, Murmarera, Bravuogn, Schlarigna, Zuoz, Zernez, Valchava, Scuol, Vnà.

En ils texts discurrids relativamain curts vegnan raquintads schabetgs, fatgs, anecdotas, filistuccas ed er legendas da las diversas vischnancas.