La Lotta vut adigna vaser or bagn. Ella saprepara par egn’aprema santupada cugl Kurt, c’ella ancanuscha digl internet ad antocen ussa me par e-mail. Par ca la sia peal vezi or miglier, â ella cumpro egna crema miraclusa ca de far svanir las sias fòldas.
Igl Beni, c’e igl vaschegn da la Lotta, radi ad ella egn cultem spezial par orchideas. Ad igl vean sco igl sto vagnir: Las duas buteglias vignan scumpaglieadas! Anstagl d’egna peal fegna dat igl bots cotschens sen la fatscha da la Lotta. Igl e cler, ca quel e anzuma betg ideal avànt igl amprem date. Mo tge far?
Igl resta nut oter ca da midar las rolas. L’Emma, la pedela “discreta”, davainta temporarmeing la Lotta. Sacapescha ca que gioi funcziunescha betga gî. Mo anstagl d’easser vilo, mussa igl Kurt bleara capientscha. Partge? Quegl tradescha igl teater “La Lotta e egna flota” an moda humoristica.